ފެޑުން ރޭޓް ކުޑަ ކުރުމުން ރަނުގެ އަގު ކުޑަކޮށް ތިރިވެ، މާކެޓް ހިފެހެއްޓިއްޖެ
Read Time:2 Minute, 4 Second
ފެޑެރަލް ރިޒާވް އިން އިންޓްރެސްޓް ރޭޓް %0.25 ދަށްކޮށް، %4.00–4.25 އަށް އިންޓްރެސްޓް ރޭޓް ބަދަލުކޮށްފިއެވެ.
މި ބަދަލާއެކު (XAUUSD) ރަނުގެ މާކެޓް ވަނީ ކުޑަކޮށް ތިރިވި ނަމަވެސް އެއްވަރެއްގައި ހިފެހެއްޓިފައެވެ. ރަނުގެ އަގު ތިރޔަށް ޖެހިލީ ގިނަ ބަޔަކު ފައިދާ ނެގުމަށް ރަން ވިއްކަން ފެށުމުންނެވެ.
ފެޑުން ރޭޓް ކުޑަކުރިއިރު އަދި މިއަހަރުގެ ތެރޭގައި އިތުރު ކަނޑާލުންތައް އެކަށީގެންވާ ކަމަށް ފެޑުން ބުނެފައިވެއެވެ. އިތުރަށް ކަނޑައިފި ނަމަ ކުރިއަށް އޮތްތަނުގައި ރަނުގެ އަގު އިތުރަށް މަތި ވެދާނެއެވެ.
އިންވެސްޓަރުން މިހާރު އިންތިޒާރު ކުރަމުންދަނީ ފެޑްގެ ޗެއާ ޖެރޯމް ޕަވަލްގެ ކޮމެންޓަކަށެވެ. އެއީ ރޭޓްތައް ކިހާ އަވަހަކަށް ދަށްވެދާނެތޯ ބަލާށެވެ. އެ ނިންމުމަށް ފަހު އެމެރިކާ ޑޮލަރުގެ އަގު ތަންކޮޅެއް މައްޗަށް ގޮސް، ރަނަށް ކުރު މުއްދަތުގެ ޕްރެޝަރެއް އިތުރުވެދާނެ އެވެ.
ޖުމްލަކޮށް ބަލާއިރު ރަން އަދިވެސް އޮތީ މިހާތަނަށް އެރި އެންމެ މަތީ އަދަދާއި ގާތް އަދަދެއްގައެވެ. ދެން މި މާކެޓަށް އެންމެ ބޮޑު ބަދަލެއް އަންނާނީ ފެޑް އިން ރޭޓް ދަށްކުރާ މިންވަރާއި މާކެޓުން ކުރާ ރިއެކްޓްގެ މައްޗަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %