ދުނިޔޭގެ ތާރީޚުގައި ފުރަތަމަ ފަހަރަށް ރަން އައުންސެއްގެ އަގު 4000 ޑޮލަރަށްވުރެ މައްޗަށް
Read Time:2 Minute, 36 Second
ދުނިޔޭގެ ތާރީޚުގައި ފުރަތަމަ ފަހަރަށް ރަން އައުންސެއްގެ އަގު 4000 އެމެރިކާ ޑޮލަރަށްވުރެ މައްޗަށް ގޮސްފިއެވެ. ރަނުގެ އަގު މިހާ ބޮޑަށް މައްޗަށް އެރި ސަބަބަކީ އިންފްލޭޝަން ބޮޑުވުމާއި، ފައިސާގެ އަގު ދަށްވުމާއި، ދުނިޔޭގެ އިގްތިސާދީ މައްސަލަތަކާ ގުޅިގެން ގިނަ އިންވެސްޓަރުން ރަނަށް އިންވެސްޓް ކުރަމުން އަންނާތީއެވެ.
މީގެ އިތުރުން މަރުކަޒީ ބޭންކުތަކުން ވެސް ރަން ގަންނަ މިންވަރު އިތުރުވެފައިވާއިރު، އެމެރިކާގެ ފެޑެރަލް ރިޒާވުން އިންޓަރެސްޓް ރޭޓް ކުޑަކުރާނެ ކަމަށް ބެލެވުމަކީ ވެސް ރަނުގެ އަގު ބޮޑުވުމަށް މެދުވެރިވި ސަބަބެކެވެ.
2025 ވަނަ އަހަރުގެ ފެށުނީއްސުރެ ރަނުގެ އަގު ވަނީ ވަރަށް ބޮޑުތަނުން މަތިވެފައެވެ. އަހަރު ފެށުނީއްސުރެ މިހާތަނަށް 50 އިންސައްތައަށްވުރެ ބޮޑަށް ރަނުގެ އަގުވަނީ އިތުރުވެފައެވެ.
ބައެއް އެނަލިސްޓުން ބުނާ ގޮތުގައި ރަނުގެ އަގު މިހާ ބޮޑަށް އިތުރުވުމަކީ ކަރުދާސް ފައިސާއަށް މީހުން ކުރާ އިތުބާރު ކުޑަވަމުންދާ ކަމުގެ ނިޝާނެކެވެ. ނަމަވެސް އަނެއް ބަޔަކު ގަބޫލުކުރާ ގޮތުގައި މިފަދަ ބޮޑު ކުރިއެރުމަކަށް ފަހު، މާކެޓް ކުޑަކޮށް ދަށްވުމަކީ ވެސް އެކަށީގެންވާ ކަމެކެވެ.
މި ވަގުތު ސްޕޮޓް ރަނުގެ އަގު، ހުރީ އައުންސަކަށް 3,640 ޑޮލަރާއި 3,670 ޑޮލަރާ ދެމެދުގައެވެ. ނަމަވެސް، ފަހުން ރަން ހަވާލުކުރުމަށް ހަދާ ކޮންޓްރެކްޓްތައް ނުވަތަ ރަން ފިއުޗާސް ޓްރޭޑް ކުރެވެމުންދަނީ 4,000 ޑޮލަރާއި 4,040 ޑޮލަރާ ދެމެދުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %