ކާބޯތަކެތީގެ އަގު އުފުލުނު ނަމަވެސް ބެންކް އޮފް ޖަޕާނުން އިންޓްރެސްޓް ރޭޓްސް ހިފަހައްޓައިފި
Read Time:2 Minute, 50 Second
ބޭންކް އޮފް ޖަޕާން (ބީއޯޖޭ) އިން އިންޓަރެސްޓް ރޭޓް %0.40 އާއި %0.50 އާއި ދެމެދުގައި އެއްވަރެއްގައި ބަހައްޓަން ނިންމައިފިއެވެ.
ބީއޯޖޭ އިން މިފަހަރު ވެސް އިންޓްރެސްޓް ރޭޓަށް ބަދަލު ނުގެންނަން ނިންމިއިރު މިއީ މިކަން މަޝްވަރާ ކުރުމަށް ޖެހިޖެހިގެން ބޭއްވި ހަތަރު ވަނަ ބައްދަލުވުމެވެ.
މި ނިންމުމަކީ ގިނަ ބަޔަކު އުންމީދުކުރި ނިންމުމެއް ކަމުގައި ވިޔަސް، މި ނިންމުމުގެ ސަބަބުން ޖަޕާނުގައި އިންފްލޭޝަން – ޚާއްޞަކޮށް ހަނޑޫ ފަދަ ކާބޯތަކެތީގެ އަގުތައް – ކުރިއަށް އޮތްތަނުގައި ވެސް އުފުލިގެންދާނެ އެވެ.
ޖުލައި މަހު ޖަޕާނުގެ އިންފްލޭޝަން ކުޑަކޮށް ދަށްވެ، މައިގަނޑު އަގުތައް %2.9 މައްޗަށް ގޮސްފައިވާއިރު، މިއީ ލަފާކުރި %3.0 އަށް ވުރެ ކުޑަކޮށް ދަށް އަދަދެކެވެ. ނަމަވެސް ކާބޯތަކެތީގެ އިންފްލޭޝަން %7.4 އަށް މައްޗަށް ގޮސްފައިވާއިރު، މިއީ އަދިވެސް އަގުތައް އުފުލިގެންދާކަން ހާމަކޮށްދޭ ކަމެކެވެ. ބީއޯޖީގެ %2 އިންފްލޭޝަން ޓާގެޓަށްވުރެ މަތީގައި ހުރި ނަމަވެސް، ސެންޓްރަލް ބޭންކުން ވަނީ ރޭޓް އިތުރަށް ބޮޑުނުކުކޮށް ހިފަހހައްޓާފައެވެ. ސެންޓްރަލް ބޭންކުން ބޭނުންވަނީ ފިޔަވަޅު އެޅުމުގެ ކުރިން އެމެރިކާގެ ޓެރިފްތަކުގެ ސަބަބުން އިގްތިސާދަށް އަސަރުކުރާ ގޮތް ވަޒަންކުރާށެވެ.
ކުރިއަށް އޮތްތަނުގައި ބީއޯޖީން ރޭޓް ބޮޑުކުރުމުގެ އިޝާރާތެއް ނުދޭނަމަ އެމެރިކާ ޑޮލަރާއި އަޅާބަލާއިރު ޖަޕާނުގެ ޔެން ބަލިކަށިވެދާނެ އެވެ. އެކަމަކު އަގުތައް މައްޗަށް ދިއުން ކޮންޓްރޯލް ކުރުމަށް ސިޔާސަތު ހަރުކަށި ކުރަން ނިންމައިފި ނަމަ ޔެންގެ އަގު ވަރުގަދަވެދާނެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %