ޑިއުޓީ ފްރީގެ މުވައްޒަފުން ވަޒީފާގައި އުޅޭ ވަގުތު ފޯނު ލޮކަރަށް ލާން އެންގި އެންގުން ބާތިލްކޮށްފި
Read Time:2 Minute, 46 Second
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ޑިއުޓީ ފްރީ ފިހާރަތަކުގައި މަސައްކަތްކުރާ މުވައްޒަފުން ވަޒީފާއަށް ނުކުންނައިރު ފޯނުތައް ލޮކަރަށް ލާން އެންގި އެންގުން ބާތިލްކޮށްފި އެވެ.
އެއާޕޯޓްގެ ޑިއުޓީ ފްރީގައި މަސައްކަތް ކުރާ މުވައްޒަފުން ހިމެނޭ ގްރޫޕްތަކަށް އިއްޔެ ފޮނުވި ނޯޓިސް އެއްގައި ބުނެފައިވަނީ މަސައްކަތުގެ ވަގުތުގައި ފޯނު ހުންނަން ވާނީ ލޮކަރުގައި ކަމަށެވެ. އަދި ފޯނު ބޭނުން ކުރެވޭނީ ހަމައެކަނި ލިބޭ ހުސްވަގުތު ތަކުގައި ކަމަށް ވެސް މި މެސެޖްގައި ބުނެފައިވެއެވެ.
މި މެސެޖްގައި ވާގޮތުން މި ގަވައިދު ހެދީ މަސައްކަތުގެ ވަގުތުގައި ޕްރޮފެޝަނަލިޒްމް ހިފަހައްޓައި، ކަސްޓަމަރ ސަރވިސް ރަނގަޅު ކުރުމުގެ މަގްސަދުގައެވެ. އަދި އިމަޖަންސީ ހާލަތްތަކުގައި މަސައްކަތުގައި ބޭނުން ކުރާ ޑިއުޓީ މޯބައިލް ބޭނުން ކުރެވޭނެ ކަމަށްވެސް މެސެޖުގައި ބުނެފައިވެއެވެ.
މި މެސެޖު ލިބުމާއެކު ޑިއުޓީ ފްރީގައި މަސައްކަތް ކުރާ ގިނަ މުވައްޒަފުން ވަނީ މިކަމާ ދެކޮޅަށް ވާހަކަ ދައްކައި ނުރުހުން ފާޅުކޮށްފައެވެ. އަދި ސޯޝަލް މީޑީއާގައި ވެސް އެތައް ބައެއްގެ ފާޑު ކިޔުންތައް ވަނީ އެމްއޭސީއެލް އަށް އަމާޒުވެފައެވެ.
މި ނޯޓިސް ފޮނުވުމަށް ފަހު މިހާރު އެކުންފުނިން ވަނީ މި ނޯޓިސް ބާތިލް ކޮށްފައެވެ. އަދި މަސައްކަތުގައި އުޅޭ ވަގުތު ފޯނު ގެންގުޅުން މަނާކުރާ ގަވައިދެއް މިހާތަނަށް ނެތް ނަމަވެސް، އެފަދދަ ގަވައިދެއް އެކުލަވާލުމަށް މަޝްވަރާ ކުރަމުން ދާކަމަށް ބައެއް މީޑިއާތަކުން ވަނީ ރިޕޯޓްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %