ޗައިނާއިން ރާއްޖެއަށް ޒިޔާރަތްކުރި ފަތުރުވެރިންގެ އަދަދު ކުރީ އަހަރާ ބަލާއިރު މިއަހަރުގައި ބޮޑު ކުރިއެރުމެއް
Read Time:2 Minute, 54 Second
މިއަހަރުގެ މިހާތަނަށް ޗައިނާއިން ރާއްޖެއަށް ޒިޔާރަތްކުރި ފަތުރުވެރިންގެ އަދަދު 144،000 އަށް އަރާފައިވާއިރު މިއީ އޭގެ ކުރީ އަހަރާ އަޅާބަލާއިރު 17.5 އިންސައްތައިގެ ކުރިއެރުމެއް ކަމަށް ޓޫރިޒަމް މިނިސްޓްރީން ބުނެފިއެވެ.
މިއާއެކު ރާއްޖޭގެ ފަތުރުވެރިކަމުގެ ސިނާއަތުގެ އެންމެ ކުރީގައި އޮތީ ޗައިނާއެވެ. މި އަހަރު އެއްލައްކަ އަށް ވުރެ މައްޗަށް ދިޔަ ފުރަތަމަ ގައުމުގެ ގޮތުންނާއި، އިންބައުންޑް ޓޫރިޒަމަށް ބޮޑު ހިއްސާއެއް ކުރާ ގައުމެއްގެ ހައިސިއްޔަތުން ޗައިނާގެ ފަތުރުވެރިކަމުގެ މުހިންމުކަން ވަނީ ޔަގީންކޮށްދީފަ އެވެ. 2025 ވަނަ އަހަރުގެ މިހާތަނަށް ރާއްޖޭގެ އެކި ކަންކޮޅުތަކުން އައި ފަތުރުވެރިންގެ އަދަދު ވަނީ 1،119،182 އަށް އަރާފައެވެ.
ރަޝިއާއިން 128،431 ފަތުރުވެރިން ޒިޔާރަތްކޮށްފައިވާއިރު، އިނގިރޭސިވިލާތުން 109،132 ފަތުރުވެރިން ވަނީ ޒިޔާރަތްކޮށްފައެވެ. މި ދެ މާކެޓުވެސް ވަނީ އެންމެ މަތީ ތިން މާކެޓުގެ ތެރޭގައި ހިމެނިފައެވެ. އަދި އިޓަލީއިން 87،215 މީހުން ޒިޔާރަތްކުރިއިރު، ޖަރުމަނުވިލާތުން ވަނީ 82،676 މީހުން ޒިޔާރަތްކޮށްފައެވެ.
އަހަރަކު 2.3 މިލިއަން ޓޫރިސްޓުން ގެނައުމުގެ އަމާޒަށް ވާސިލްވުމަށްޓަކައި ސަރުކާރުން ބަރޯސާވަނީ ކުރިއެރުން އިތުރުކުރުމަށް ޓަކައި އުމްރާނީ ތަރައްގީގެ މަސައްކަތްތަކަށެވެ. ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ޕެސެންޖަރު ޓާމިނަލް މި މަހުގެ 26 ވަނަ ދުވަހު ހުޅުވުމުން ކެޕޭސިޓީ އިތުރުވެ އޮޕަރޭޝަންތައް އޮޕްޓިމައިޒްވެ، އިތުރުވަމުންދާ ޑިމާންޑް ބެލެހެއްޓުމުގެ ގާބިލުކަން އިތުރުވެގެންދާނެ ކަމަށް ބެލެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %