ރައްޔިތުންގެ މަޖިލީހުގެ ކޮމިޓީއަށް ކަސްޓަމްސްއިން ސައްހަ ނޫން މައުލޫމާތު ދިން މައްސަލައެއް
Read Time:2 Minute, 34 Second
ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އަށް މޯލްޑިވްސް ކަސްޓަމްސް ސާވިސްއިން ސައްހަ ނޫން މައުލޫމާތު ދީފައިވާކަން ހާމަވެއްޖެ އެވެ.
މިދިޔަ އަހަރު 200 ކާޓަން ސިނގިރޭޓު ވަގަށް އެތެރެކުރި މައްސަލައާ ގުޅިގެން ކޮމިޓީން ބަލަމުންދާ މި މައްސަލައިގެ ރިޕޯޓަށް މިއަދު ބަހުސްކުރި ނަމަވެސް، ރިޕޯޓާ މެދު ގޮތެއް ނުނިންމައި ކޮމިޓީ ބައްދަލުވުން ވަނީ ނިންމާލާފައެވެ.
ކޮމިޓީގެ ރިޕޯޓު އެކުލަވާލުމުގައި އިސްކޮށް ހަރަކާތްތެރިވި ދިއްގަރު ދާއިރާގެ މެންބަރު އަހުމަދު ނާޒިމް ހާމަކުރެއްވި ގޮތުގައި ކަސްޓަމްސްއިން އެންމެ ފުރަތަމަ ކޮމިޓީއަށް ދިން މައުލޫމާތުތައް، ޚާއްސަކޮށް ދިން ’ޓައިމްލައިން‘ ގައި ހުރީ ސައްހަ ނޫން މައްސަލަތަކެކެވެ. މިކަން ފާހަގަކުރެވުމުން، ކަސްޓަމްސްގެ ކޮމިޝަނާ ޖެނެރަލްގެ ބެއްލެވުމުގެ ދަށުން ސައްހަ ޓައިމްލައިނެއް އެކުލަވާލައިފައިވާ ކަމަށާއި، އެ ޓައިމްލައިން ކޮމިޓީ ރިޕޯޓުގައި ހިމަނާފައިވާ ކަމަށް ނާޒިމް ވިދާޅުވި އެވެ.
ރައްޔިތުންގެ މަޖިލީހަށް ނުވަތަ ކޮމިޓީއަކަށް ގަސްތުގައި ނުސައްހަ މައުލޫމާތު ދިނުމަކީ ޤާނޫނީ ކުށެއް ކަމުގައިވީ ނަމަވެސް، މިކަމުގައި ޒިންމާވާ ކަސްޓަމްސް އޮފިސަރުންނަށް އަޅާނެ ފިޔަވަޅެއް އަދި ނޭނގެއެވެ. ރިޕޯޓުގައިވާ ރެކޮމެންޑޭޝަންތަކުގެ އިތުރުން މެންބަރުން ހުށަހެޅި އިތުރު ހުށަހެޅުންތަކަށް ކޮމިޓީގައި މިއަދު ވޯޓަކަށް ނާހައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %