މިރެއާއި މާދަމާ ރާއްޖޭގެ ބޮޑުބަޔަކަށް ވިއްސާރަ ކުރާނެ: މެޓް އޮފީސް
Read Time:2 Minute, 4 Second
މިރެއާއި މާދަމާ ރާއްޖޭގެ ބޮޑުބަޔަކަށް ވިއްސާރަ ކުރާނެ ކަމަށް މެޓް އޮފީސް އިން ބުނެފިއެވެ.
މެޓް އޮފީސް އިން ވަނީ ބޯކޮށް ވާރޭވެހުމާއެކު ގުގުރައި، އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކޮށް، ތ. އަތޮޅުން ފެށިގެން އައްޑޫ ސިޓީއާއި ހަމައަށް ހުދު ސަމާލު ނެރެފައެވެ. ހުދު ސަމާލު ނެރެފައިވަނީ ހަވީރު 05:30 ހާ ހަމައަށްށެެވެ.
އެއިދާރާއިން ބުނީ ކުރިޔަށްއޮތް 24 ގަޑިއިރު ތެރޭގައި، ރާއްޖޭގެ އެކިހިސާބަށް ވިއްސާރަކުރުމާއެކު ގުގުރާނެކަމަށާއި، ދެކުނާއި މެދުރާއްޖެތެރޭގެ ބައެއް ރަށްތަކަށް ބޯކޮށް ވާރޭވެހުން އެކަށީގެންވާކަމަށެވެ. އަދި ދެކުނުގެ އަތޮޅުތަކަށް އިރުދެކުނާއި ދެކުނަށް އަދި އެހެން ހިސާބުތަކަށް ހުޅަނގާއި ހުޅަނގުއުތުރުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައިގަދަވުން އެކަށީގެންވާކަމަށެވެ.
މިރޭން ފެށިގެން ހަފްތާ ބަންދުގައި ވެސް މޫސުން ގޯސް ވާނެ ކަމަށް ލަފާކޮށްފައިވާއިރު، އަންނަ އާދިއްތަ ދުވަހު މޫސުން ރަނގަޅުވާނެ ކަމަށް މެޓް އޮފީސް އިން ވަނީ ލަފާކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %