ބޭރަށް ހިންގުމާއި، ހޮޑުލުމާއި އަދި އިންފްލުއެންޒާ އިތުރުވަނީ
Read Time:2 Minute, 13 Second
ބޭރަށް ހިންގުމާއި ހޮޑުލުމާއި އިންފްލުއެންޒާ ޖެހޭ މީހުންގެ އަދަދު އިތުރުވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ތަފާސްހިސާބުން ދައްކައިފިއެވެ.
އެޗްޕީއޭ އިން އާންމުކުރި ތަފާސްހިސާބުތަކުގައިވާ ގޮތުން ބޭރަށް ހިންގުމާއި، ހޮޑުލުމާއި އަދި އިންފްލުއެންޒާ ޖެހިގެން ރިޕޯޓްކުރާ އަދަދު ވަނީ އިތުރުވެފަ އެވެ. އަދި އެ ބަލިތައް ޖެހިގެން އެންމެ ގިނައިން ރިޕޯޓުކުރަނީ މާލެ ސަރަހައްދުންނެވެ.
ތަފާސްހިސާބުގައިވާ ގޮތުން، ބޭރަށް ހިންގުމާއި ހޮޑުލުން ޖެހިގެން މިދިޔަ ޖޫން މަހުގެ 15 އިން މި ޖުލައި މަހުގެ 5 އަކާ ހަމައަށް މުޅި ރާއްޖެއިން ރިޕޯޓުކުރީ 3،763 ކޭހެކެވެ. އޭގެ ތެރެއިން 2،370 ކޭސް އެއީ މާލޭ ސަރަަހައްދުން ބަލި ޖެހިގެން ރިޕޯޓުކުރި ކޭސްތަކެވެ.
އަދި އިންފްލުއެންޒާ ޖެހިގެން އްޖެ އިން 239 ކޭސް ރިޕޯޓުކުރިއިރު އޭގެ ތެރެއިން 228 ކޭސް އެއީ މާލޭގެ ކޭސްތަކެކެވެ.
ބަލިތަކުން ރައްކާތެރި ވުމަށް ގިނަގިނައިން ސައިބޯނި ލައިގެން އަތްދޮވުމަށް އެޗްޕީއޭ އިން އިލްތިމާސްކޮށްފައި ވެއެވެ. އަދި ކެއްސާ، ކިނބިހި އަޅާއިރު އަނގަމައްޗާއި ނޭފަތް ޓިޝޫއެއް ފަދަ އެއްޗަކުން ނިވާކޮށް، މީހުން ގިނަ ތަންތަނަށް ނުދިޔުމަށް އެ އޭޖެންސީން އިލްތިމާސް ކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %