ކުޅިވަރު ކުޅޭ ތަންތަނާއި މައިޒާންތައް ހެދުމަށް ގަބުރުސްތާނުތައް ނެގުން ހުއްދަ ނުވާނެ: ފަތުވާ މަޖިލިސް
Read Time:2 Minute, 17 Second
ކުޅިވަރު ކުޅޭ ތަންތަނާއި މައިޒާންތައް ހެދުމަށް ގަބުރުސްތާނުތައް ނެގުން ހުއްދަ ނުވާނެ ކަމަށް ފަތުވާ މަޖިލީހުން ނިންމައިފި އެވެ.
ފަތުވާ މަޖިލީހުން މިގޮތަށް ނިންމީ މިދިޔަ ޖޫން މަހުގެ 24 ވަނަ ދުވަހު ނަމަވެސް އެ ނިންމުން އާންމުކުރީ މިއަދު އެވެ. މިއަދު ނެރުނު ފަތުވާގައި ބުނެފައިވަނީ، އިންސާނުންނަކީ މާތް الله މަތިވެރި ކުރެއްވި ބައެއް ކަމަށާއި އިންސާނާ މަރުވެ ދިޔުމުން ވެސް އެ މަތިވެރިކަން ގެއްލިގެން ނުދާނެ ކަމަށެވެ. އަދި އިންސާނާ މަރުވުމުން ވެސް ގަބުރަށް އިހުތިރާމު ކުރުމަށް ދީނުގައި އަންގަވާފައިވާ ކަމަށް އެ ފަތުވާގައި ބުނެފައިވެއެވެ.
އެހެން ކަމުން ގަބުރުސްތާނު ކޮނެގެން ކަށިތައް ނަގާ އެހެންތަނަކަށް ބަދަލުކުރުމަކީ ވަޅުލެވިފައިވާ މީސްތަކުންގެ ހުރުމަތް ކެނޑޭ ކަމެއް ކަމަށް ފަތުވާގައި ބުނެފައިވެއެވެ. އަދި އެކަން ކީރިތި ރަސޫލާގެ ހަދީޘްތަކުން ދޭހަވާ ކަމަށް ބުނެފައިވެއެވެ.
މި ފަތުވާ ނިންމާލަމުން ބުނެފައިވަނީ މިއީ އިސްލާމީ ޝަރީއަތުގައ،ި ގިނަގުނަ ވައީދުގެ ބަސްފުޅުތައް ވާރިދުވެފައިވާ ކަމަކަށްވާއިރު، ކުޅިވަރުކުޅޭ ތަންތަނާއި ހިތްފަސޭހަ މައިޒާންފަދަ ތަންތަން ހެދުމަށް މުސްލިމުންގެ ގަބުރުސްތާނުތައް އުވާލުން ނުވަތަ ނެގުން ހުއްދައެއް ނުވާނެ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %