މިއަހަރުގެ މިހާތަނަށް 1101 އެކްސިޑެންޓް، 61 އެކްސިޑެންޓްގައި ސީރިއަސް އަނިޔާތަކެއް
Read Time:2 Minute, 55 Second
މި އަހަރުގެ ފުރަތަމަ ހަ މަހުގެ ތެރޭ މާލެ ސަރަހައްދުގައި 1،101 އެކްސިޑެންޓެއް ހިނގާފައިވާއިރު، 61 އެކްސިޑެންޓެގައި ސީރިއަސް އަނިޔާތަކެއް ލިބިފައިވާ ކަމަށް ފުލުހުން ބުނެފިއެވެ.
ފުލުހުން ރޭ އާންމުކުރި ތަފާސްހިސާބުތަކުގައި ހިމެނެނީ މިއަހަރުގެ ޖެނުއަރީ 1 އިން ޖޫން 30 އާއި ހަމައަށް މާލެ ސިޓީ ސަރަހައްދަގުގައި ހިނގާފައިވާ އެކްސިޑެންޓް ތަކެވެ.
ތަފާސްހިސާބުގައި ވާގޮތުން، މިހާތަނަށް މިއަހަރުގެ ތެރޭ 1101 އެކްސެންޑެއްޓެއް ހިނގިއިރު، 61 އެކްސިޑެންޓަކީ ސީރިއަސް އެކްސިޑެންޓް ތަކެކެވެ. މި އެކްސިޑެންޓް ތަކުގައި 121 މީހަކަށް އެކިވަރުގެ އަނިޔާވެފައިވާއިރު، 1107 ވެހިކަލަކަށް ވަނީ އެކިވަރުގެ ގެއްލުން ވެފައެވެ.
މި އެކްސިޑެންޓް ތަކުގައި އެންމެ ގިނައީ ކާރާއި ސައިކަލު ޖެހި ހިނގާފައިވާ އެކްސިޑެންޓް ތަކެވެ. މިފަދަ 295 އެކްސިޑެންޓް ހިނގިއިރު ދެން އެންމެ ގިނައީ ސައިކަލަކާއި ސައކަލެއް ޖެހި ހިނގާފައިވާ އެކްސިޑެންޓް ތަކެވެ. އޭގެ ޖުމްލަ 267 އެކްސިޑެންޓެއް ވަނީ ހިނގާފައެވެ.
މި އެކްސިޑެންޓް ތަކުގެ 83 އިންސައްތަ މާލެ ސިޓީ ތެރޭގައި ހިނގާފައިވާއިރު، ބްރިޖާއި ހައިވޭގައި ހިނގީ 17 އިންސައްތަ އެކްސިޑެންޓެވެ. އަދި 68 އިންސައްތައިގައި ގިނަ އެކްސިޑެންޓެއް ދުވާލު ހިނގިއިރު ރޭގަނޑު ހިނގާފައިވަނީ 32 އިންސައްތަ އެކްސިޑެންޓެވެ.
މިފަހަކަށް އައިސް މާލޭގައި ގިނަ އެކްސިޑެންޓް ތަކެއް ވަމުން އަންނައިރު މިދިޔަ އާދިއްތަ ދުވަހު ހިނގި ނުރައްކާތެރި އެކްސިޑެންޓެއްގައި 17 އަހަރުގެ ކުއްޖަކު ވަނީ މަރުވެފައެވެ. އަދި ރޭގައިވެސް ވަނީ ހައިވޭމަތިން ސައިކަލަކާއި ވޭނެއް ޖެހި އެކްސިޑެންޓެއް ހިނގާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %