ދައުލަތަށް 20.1 ބިލިޔަން ރުފިޔާގެ އާމްދަނީއެއް، މިއީ މިދިޔަ އަހަރަށްވުރެ 8.9 އިންސައްތަ އިތުރު އަދަދެއް
Read Time:3 Minute, 13 Second
ދިވެހިރާއްޖޭގެ މާލީ ވުޒާރާއިން އާންމުކުރި ވީކްލީ ފިސްކަލް ޑިވެލޮޕްމަންޓް ރިޕޯޓްގައިވާ ގޮތުން، މި އަހަރުގެ 10 ޖުލައިގެ ނިޔަލަށް އާމްދަނީ އާއި ހިލޭ އެހީގެގޮތުގައި ދައުލަތަށް 20.1 ބިލިޔަން ރުފިޔާ ލިބިފާވާކަމަށް ހާމަވެއްޖެއެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު %8.9 އިތުރުވުމެކެވެ.
ނިމިގެން ދިޔަ ހަފްތާގެ ވީކްލީ ފިސްކަލް ޑިވެލޮޕްމަންޓް ރިޕޯޓްގައި ދައުލަތަށް ލިބިފައިވާ އާމްދަނީއާއި ބަޖެޓުން ހޭދަކޮށްފައިވާ މިންވަރު ހިމަނާފައިވެއެވެ. ރިޕޯޓްގައިވާ ގޮތުން، ޖުލައި 10 ގެ ނިޔަލަށް ދައުލަތަށް ލިބިފައިވާ ޖުމުލަ އާމްދަނީގެ ތެރެއިން ޓެކުހުގެ ގޮތުގައި 15.4 ބިލިޔަން ރުފިޔާ ލިބިފައިވެއެވެ. މިއީ މި އަހަރުގެ މިހާތަނަށް ދައުލަތަށް ލިބިފައިވާ ޖުމުލަ އާމްދަނީގެ %76.3 އެވެ.
ޓެކްސްގެ ގޮތުގައި ލިބިފައިވާ އާމްދަނީގެ ތެރެއިން ބައެއް ޓެކުސްތަކުން ލިބުނު އާމްދަނީ ވަނީ ފާހަގަކުރެވޭ މިންވަރަކަށް އިތުރުވެފައެވެ. ޓެކްސްގެ ރޭޓްތަކަށް ގެނެވުނު ބަދަލުތަކާ ގުޅިގެން، ގްރީން ޓެކުހުގެ ގޮތުގައި 1.1 ބިލިޔަން ރުފިޔާ ލިބިފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު %96.5 ކުރިއެރުމެކެވެ.
މީގެ އިތުރުން، އެއާޕޯޓް ސަރވިސް ޗާޖުގެ ގޮތުގައި 928 މިލިޔަން ރުފިޔާ ލިބިފައިވާއިރު، މިއީ %54.4 ގެ ކުރިއެރުމެކެވެ. އަދި އެއާޕޯޓް ޑިވެލޮޕްމަންޓް ފީގެ ގޮތުގައި 940 މިލިޔަން ރުފިޔާ ލިބިފައިވާއިރު، މިދިޔަ އަހަރުގެ މި މުއްދަތާ އަޅާބަލާއިރު މިއީ 53.3 އިންސައްތަ އިތުރުވުމެކެވެ. މި އަދަދުތައް އިތުރުވުމުގެ މައިގަނޑު ސަބަބަކީ، މި އަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު މިދިޔަ އަހަރުގެ މި މުއްދަތާ އަޅައިބަލާއިރު %9.1 އިތުރުވެފައިވާ ކަމަށް ރިޕޯޓުގައި ފާހަގަ ކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %