އިނގިރޭސިވިލާތަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސް ރާއްޖެ ވަޑައިގެންފި
Read Time:3 Minute, 32 Second
އިނގިރޭސިވިލާތައް ކުރެއްވި ދަތުރުފުޅު ނިންމަވާލެއްވުމަށް ފަހު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރާއްޖެ ވަޑައިގަންނަވައިފިއެވެ.
މަތީ ފަންތީގެ ބައްދަލުކުރެއްވުންތަކާއި، ހަރަކާތްތަކެއްގައި ބައިވެރިވެވަޑައިގަތުމަށް ރައީސް މުއިއްޒު އިނގިރޭސިވިލާތަށް ފުރާވަޑައިގެންނެވީ މިމަހުގެ 15 ވަނަ ދުވަހު އެވެ. މި ދަތުރުފުޅުގައި ރައީސްގެ އަރިހުގައި ރާއްޖޭގެ މަތީ ފަންތީގެ ވަފުދެއް ބައިވެރިވެވަޑައިގެންނެވިއެވެ.
މި ދަތުރުފުޅުގައި ރައީސް ވަނީ އިނގިރޭސިވިލާތުގެ ސްޕީކަރ އޮފް ދަ ހައުސް އޮފް ކޮމަންސް، ރައިޓް އޮނަރަބަލް ސަރ ލިންޑްޒޭ ހޮޔިލް އާއި އިނގިރޭސިވިލާތުގެ ފޮރިން، ކޮމަންވެލްތް އެންޑް ޑިވެލޮޕްމަންޓް އެފެއާޒްގެ ސެކްރެޓަރީ އޮފް ސްޓޭޓް، ރައިޓް އޮނަރަބަލް ޑޭވިޑް ލެމީ އާއި ބައްދަލުކުރައްވާފައެވެ.
އަދި މި ދަތުރުފުޅުގައި ރައީސް ވަނީ އިނގިރޭސި ރަސްގެފާނު، ޗާލްސް ތިންވަނަ އާވެސް ބައްދަލުކުރައްވާފައެވެ. ވިންޑްސަރ ކާސްލްގައި ބޭއްވި މި ބައްދަލުކުރެއްވުމުގައި ދެ ބޭފުޅުން ވަނީ ދިވެހިރާއްޖެއާއި އިނގިރޭސިވިލާތާ ދެމެދުގައިވާ ޒަމާންވީ ގުޅުމުގެ މައްޗަށް އަލިއަޅުއްވާލައްވައި، ގުޅުން އިތުރަށް ބަދަހިކުރެއްވުމާ ގުޅޭގޮތުން މަޝްވަރާ ކުރައްވާފައެވެ.
ރާއްޖޭ އާއި އިނގިރޭސިވިލާތާ ވިޔަފާރީގެ ދާއިރާއިން ގުޅުން ބަދަހިކުރުމަށް ބޭއްވި މޯލްޑިވްސް-ޔޫކޭ ބިޒްނަސް ފޯރަމްގައިވެސް ރައީސް ބައިވެރިވެ ވަޑައިގެންނެވި އެވެ. މި ފޯރަމްގައި ދެ ގައުމުގެ ވިޔަފާރީގެ ގުޅުން އިތުރަށް ހަރުދަނާކުރުމަށްޓަކައި އިންވެސްޓަރުންނަށް ރާއްޖޭގައި ހުރި ފުރުސަތުތަކާ ބެހޭގޮތުން ވާހަކަފުޅު ދައްކަވައި، ވެސްޓް ލަންޑަން ޗެމްބަރސް އޮފް ކޮމަރސްއާއި ރާއްޖޭގެ އިކޮނޮމިކް މިނިސްޓްރީއާ ދެމެދު ފަހުމުނާމާއެއްގައި ވެސް ސޮއިކޮށްފައިވެއެވެ.
އަދި މަސްވެރިކަން ކުރިއެރުވުމަށް ”ޕްރޮމޯ މޯލްޑިވްސް“ ގެ ނަމުގައި އާ ބްރޭންޑެއް ވެސް ރައީސް ވަނީ އިފްތިތާހްކޮށްދެއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %