ފްލެޓް އެއްބަސްވުންތަކުގެ އެންމެހާ މުއާމަލާތްތައް ކުރިއަށްގެންދިއުމަށް އެފްޑީސީއަށް
Read Time:3 Minute, 32 Second
ގެދުރުވެރިޔާ ސްކީމްގެ ދަށުން ހުޅުމާލޭގެ ދެވަނަ ފިޔަވަހީގައި ތަރައްގީކޮށްފައިވާ 4000 ފްލެޓް ލިބުނު ފަރާތްތަކާއިއެކު އެއްބަސްވުންތަކުގައި ސޮއި ކުރުމަށް ކުރަންޖެހޭ އެންމެހައި ކަންކަން ކުރިއަށް ގެންދާނީ ފަހި ދިރިއުޅުން ކޯޕަރޭޝަން (އެފްޑީސީ) އިން ކަމަށް މިނިސްޓްރީ އޮފް ކޮންސްޓަރަކްޝަން އެންޑް އިންފްރާސްޓްރަކްޗަރ އިން ވިދާޅުވެއްޖެއެވެ.
އެގޮތުން މިސްކީމްްގެ ފްލެޓްތަކުގެ އެއްބަސްވުންތަކުގައި ސޮއިކުރުމަށް އަންނަ ހަފްތާގެ ތެރޭގައި ފަށާނެކަމަށް މިނިސްޓަރ ޑރ. އަބްދުﷲ މުއްތަލިބް ވިނީ ވިދާޅުވެފައެވެ. އަދި މިނިސްޓްރީއިން ވިދާޅުވެފައިވަނީ، ގެދޮރުވެރިޔާ ސްކީމްގެ ދަށުން ފްލެޓް ހަވާލުކުރުމުގެ މަސައްކަތް ކުރުމަށްޓަކައި ފްލެޓް ލިބުނު ފަރާތްތަކުގެ މައުލޫމާތު އެފްޑީސީއާއި ހިއްސާކުރުމުގެ މަސައްކަތް މިނިސްޓްރީ އިން ފަށާފައިވާ ކަމަށް ވިދާޅުވެފައިވެއެވެ.
އެއްބަސްވުންތަކުގައި ސޮއިކުރުމުގެ މަސައްކަތް ކުރިޔަށް ގެންދިއުމަށް ހަމަޖެހިފައިވަނީ މިހާރު ނިމިފައިވާ ފްލެޓްތަކަށް އިސްކަންދީގެންކަމަށް މިނިސްޓްރީއިން ވަނީ ވިދާޅުވެފައެވެ. އަދި އެއްބަސްވުމުގައި ސޮއިކުރުމަށް އެފްޑީސީއަސް ފޮނުވާ ފަރާތްތަކަށް ”ގެދޮރުވެރިޔާ ޕޯޓަލް“ މެދުވެރިކޮށް އިނގެން އިންނާނެކަމަށާއި އަދި މިގޮތަށް ޕޯޓަލްއިން ނާންގާ ފަރާތްތަކަށް އެ މިނިސްޓްރީއިންނާއި އެފްޑީސީއިން ނުގުޅާނެކަމަށާއި، އަދި އެފަދަ ފޯނު ކޯލުތަކާއި އެސްއެމްއެސް ތަކަށް އެންމެހާ ފަރާތްތަކުން ސަމާލުވުމަށް މިނިސްޓްރީއިންވަނީ އިލްތިމާސްކޮށްފައެވެ.
ހުޅުމާލެ ދެވަނަ ފިޔަވަހީގައި އެފްޑީސީއިން އިމާރާތްކުރަމުންދާ 4000 ފޮލެޓްގެ މަސައްކަތްކުރިޔަށް ދަނީ ޖުމްލަ 32 ޓަވަރަކަށް ބަހާލައިގެންނެވެ. މި ފްލެޓް މަޝްރޫއުގެ ތެރޭގައި ހިމެނެނީ 3 ކޮޓަރިއާއި 2 ކޮޓަރީގެ އެޕާޓްމަންޓްތަކެވެ. އެގޮތުން މިއީ މިވަގުތު މާލެ ސަރަހައްދުގައި ހިންގާ ސޯޝަލް ހައުސިންގްގެ އެންމެ ބޮޑު މަޝްރޫއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %