ބޭންކުތަކަށް ދޫކުރާ ޑޮލަރުގެ ނިސްބަތް 10% އިތުރުކޮށް، ޑޮލަރު ސަޕޯޓް 40% އަށް އިތުރުކުރަނީ
Read Time:2 Minute, 34 Second
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ވިޔަފާރީގެ ބޭނުމަށް ބޭންކުތަކަށް ދޫކުރާ ޑޮލަރުގެ ނިސްބަތް 10 އިންސައްތަ އިތުރު ކުރުމަށް ނިންމައިފިއެވެ.
އެމްއެމްއޭއިން ނެރެފައިވާ ބަޔާނުގައި ބުނެފައިވަނީ ރާއްޖެއަށް މުދާ އެތެރެކުރުމަށް ވިޔަފާރިތަކަށް ދޭ ޑޮލަރ ސަޕޯޓަށް ބޭނުންވާ ޑޮލަރު ހިމެނޭހެން ރާއްޖޭގެ ބޭންކުތަކަށް ދޫކުރާ ޑޮލަރުގެ ނިސްބަތް 10 އިންސައްތަ އިތުރު ކުރަން ނިންމާފައިވާ ކަމަށެވެ. އެގޮތުން މި ބަދަލާއެކު ބޭންކުތަކުން ކުދި އަދި މެދު ފަންތީގެ ވިޔަފާރިތަކަށް ވިއްކާ ޑޮލަރުގެ ނިސްބަތް 40 އިންސައްތައަށް އިތުރުކުރުމަށް މަގުފަހިވެގެން ދާނެކަމަށް ބަޔާނުގައި ބުނެފައިވެއެވެ.
އެމްއެމްއޭގެ މި ނިންމުމާ އެއްގޮތަށް އަމަލު ކުރަން މި ހަފްތާއިން ފެށިގެން ނިންމާފައިވާއިރު، މި ބަދަލު ގެނައުމުގެ މައިގަނޑު މަގްސަދަކީ ކޮންމެ ހަފްތާއަކު ބޭންކުތަކުން ވިއްކާ ބޭރު ފައިސާ މެދުވެރިކޮށް، މިހާރަށްވުރެ ހަރުދަނާ އަދި ހަމަހަމަ ނިޒާމެއްގެ ތެރެއިން، ވިޔަފާރިތަކަށް ބޭނުންވާ ބޭރު ފައިސާ ބޭންކުތަކުން ހަމަޖައްސައިދިނުން ކަމަށް އެމްއެމްއޭއިން ބުނެފައިވެއެވެ.
ޑޮލަރު ސަޕޯޓް މިހާރު 30 އިންސައްތަ އިން 40 އިންސައްތައަށް މަތިކުރަން ނިންމާފައިވާއިރު، އެމްއެމްއޭއިން ބުނީ އަމާޒަކީ ކުދި އަދި މެދުފަންތީގެ ވިޔަފާރިތަކަށް ބޭންކުތައް މެދުވެރިކޮށް ދޭ އަދަދު 50 އިންސައްތައަށް ބޮޑުކުރުން ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %