ކްރިމިނަލް ކޯޓާއި ޑްރަގް ކޯޓުގެ އައު އިމާރާތް ހުޅުވައިފި
Read Time:2 Minute, 18 Second
ހުޅުމާލެ ފޭސް އެކެއްގައި ތަރައްގީ ކޮށްފައިވާ ކްރިމިނަލް ކޯޓާއި ޑްރަގް ކޯޓުގެ އައު އިމާރާތް ހުޅުވައިފިއެވެ.
މި އިމާރާތް ރަސްމީކޮށް ހުޅުއްވައި ދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުއެވެ. މި އިމާރާތް ހުޅުވުމަށް ބޭއްވި ރަސްމިއްޔާތުގައި ޗީފް ޖުޑީޝަލް އެޑްމިނިސްޓްރޭޓަރ އަލްއުސްތާޛް އަމްޖަދު މުސްތަފާއާއި ބަންޑާރަ ނައިބު އަހުމަދު އުޝާމް އަދި ޖޫޑީޝަލް ސާވިސް ކޮމިޝަންގެ ރައީސް އަލްއުސްތާޛް ހުސެއިން ރިޒާގެ އިތުރުން މަގާމުން ރިޓޔަރ ކުރެއްވި، އުއްތަމަ ފަނޑިޔާރު މުޢުތަސިމް އަދުނާނު ބައިވެރިވެވަޑައިގެންނެވިއެވެ.
މި ރަސްމިއްޔާތުގައި ޑިޕާޓްމަންޓު އޮފް ޖުޑީޝަލް އެޑްމިނިސްޓްރޭޝަންގެ ފަރާތުން ވަނީ ރައީސް ޑރ. މުއިއްޒުއަށް ހަނދާނީ ފިލާ އަރުވާފައެވެ. މި ހަނދާނީ ފިލާ ހަވާލުކޮށްދެއްވީ ޗީފް ޖުޑީޝަލް އެޑްމިނިސްޓްރޭޓަރ އަލްއުސްތާޛް އަމްޖަދު މުސްތަފާއެވެ.
ހުޅުމާލެ ފޭސް އެކެއް، ޓްރީޓޮޕް ހޮސްޕިޓަލުގެ ކައިރީގައި ތަރައްގީކުރި މި އިމާރާތަކީ ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ތަރައްގީކުރި އިމާރާތެކެވެ. މި އިމާރާތުގައި މިހާރު ކްރިމިނަލް ކޯޓާއި ޑްރަގް ކޯޓުގެ ޝަރީއަތްތައް ކުރިއަށް ގެންދަން ވަސީލަތްތައް ވަނީ ގާއިމްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %