ހުޅުމާލޭގައި ހުންނަ އެންސިސް މަސް ފެކްޓްރީ މިފްކޯއިން ގަންނަނީ
Read Time:2 Minute, 3 Second
ހުޅުމާލޭގައި އެންސިސް ފިޝަރީޒްއިން ހިންގަމުންއައި މަސް ފެކްޓްރީ ގަތުމުގެ މަސައްކަތް މިފްކޯއިން ފަށައިފިއެވެ.
މިފްކޯއިން ބުނީ އެންސިސްގެ ކޭނަރީ ގަތުމަށްޓަކައި ކުރަން ޖެހޭ ދިރާސާތައް ކޮށް ނިމި، މިހާރު ކުރިޔަށް ދަނީ އެތަން ގަތުމަށް ކުރަންޖެހޭ މަޝްވަރާތައް ކަމަށެވެ.
25 މިލިއަން ޑޮލަރު ނުވަތަ 385 މިލިއަން ރުފިޔާގެ އަގުހުރި މި ފެކްޓްރީގައި ދުވާލަކު 25 ޓަނުގެ މަސް ދަޅު އުފެއްދުމުގެ ގާބިލްކަން ހުރެއެވެ. އަދި 1000 ޓަނުގެ އައިސް ޕްލާންޓަކާއި 1200 ޓަނުގެ ކޯލްޑް ސްޓޯރޭޖް ފެސިލިޓީއެއް އެ ފެކްޓަރީގައި ހުރެ އެވެ. މީގެ އިތުރުން މަހުން އުކާލެވޭ ބައިތައް ބޭނުންކޮށްގެން ގަސްކާނާވެސް މި ފެކްޓްރީގައި އުފެއްދެ އެވެ.
ހުޅުމާލޭގައި ހުންނަ މި މަސް ފެކްޓްރީ އަކީ މާލެ ސިޓީ ސަރަހައްދުގައި ހުންނަ އެންމެ ބޮޑު މަސް ފެކްޓްރީ އެވެ. މި ފެކްޓްރީ ހުޅުވާފައިވަނީ 2019 ވަނަ އަހަރުގެ ޑިސެމްބަރު މަހުގެ 9 ވަނަ ދުވަހުއެވެ. 200 މުވައްޒަފުންނާއެކު ހިންގަމުން އައި މި ފެކްޓްރީ ވަނީ 2023 ވަނަ އަހަރު ކަޅުބިލަމަހުގެ ކިލޯއެއް ގަންނަ އަގު 25 ރުފިޔާއަށް ބޮޑުކުރުމާއެކު ހުއްޓުމަކަށް އައިސްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %