މާލީ ގަވާއިދުތަކާ ހިލާފުވުމުން ޔޫއެފާއިން ޗެލްސީ އާއި ބާސެލޯނާ ޖޫރިމަނާކޮށްފި
Read Time:3 Minute, 45 Second
ޗެލްސީ އާއި ބާސެލޯނާ އޮތީ މާލީ ގަވާއިދުތަކާ ހިލާފުވެގެން ޔޫރަޕްގެ ޓީމުތަކުން ޖޫރިމަނާކުރި ލިސްޓުގެ އެންމެ ކުރީގަ އެވެ.
ޔޫރަޕްގެ ފުޓްބޯޅައިގެ މައި އިދާރާ ޔޫއެފާއިން ވަނީ ޗެލްސީ މާލީ ގަވާއިދާ ހިލާފުވުމުން 31 މިލިއަން ޔޫރޯ (36.5 މިލިއަން ޑޮލަރު) ގެ ޖޫރިމަނާއެއް ކޮށްފައެވެ. މީގެ އިތުރުން އެސްޓަން ވިލާ، ބާސެލޯނާ އަދި އޮލިމްޕިކް ލިޔޮނެއިސް ވެސް ވަނީ ބޮޑެތި އަދަދުތަކުން ޖޫރިމަނާކޮށްފަ އެވެ.
ޔޫއެފާގެ ކްލަބް ފައިނޭންޝަލް ކޮންޓްރޯލް ބޮޑީ (ސީއެފްސީބީ) އާ އެކު ހަތަރު އަހަރުގެ އެއްބަސްވުމެއް ހަދާފައިވާ ޗެލްސީގެ މާލީ ހާލަތު ހަމައަކަށް ނޭޅިއްޖެ ނަމަ އިތުރު 60 މިލިއަން ޔޫރޯ (71 މިލިއަން ޑޮލަރު) ގެއްލުމުގެ ބިރު އޮތްކަމާއި، އަދި މި ޖޫރިމަނާތަކުގެ ސަބަބުން މުސްތަގުބަލުގައި އިތުރު ބޮޑެތި ޖޫރިމަނާތަކެއް ކުރަން ޖެހިދާނެ ކަމަށް ބުނެފައިވެއެވެ.
މީގެ އިތުރުން، ބާސެލޯނާ އިން 15 މިލިއަން ޔޫރޯ (17.7 މިލިއަން ޑޮލަރާ އެއްވަރު) އިން ޖޫރިމަނާ ކޮށްފައިވާއިރު، ޔޫއެފާއިން ވަނީ ލިޔޯން 12.5 މިލިއަން ޔޫރޯ އަދި އެސްޓަން ވިލާ 11 މިލިއަން ޔޫރޯ އިން ޖޫރިމަނާކޮށްފައެވެ.
ޗެލްސީ 20 މިލިއަން އިން ޖޫރިމަނާކުރީ ފުޓްބޯޅައިގެ އާމްދަނީގެ އުސޫލާ އެއްގޮތަށް އަމަލު ނުކުރުމުންނެވެ. އަދި ސްކޮޑް ކޮސްޓް އުސޫލާ ހިލާފުވުމުން 11 މިލިއަންގެ އިތުރު ޖޫރިމަނާއެއްވެސް ވަނީ ކުރެވިފައެވެ. އެސްޓަން ވިލާ އަށް ފަސް މިލިއަނާއި ހަ މިލިއަން އިން ޖޫރިމަނާ ކޮށްފައި ވަނީ ގަވާއިދާ ހިލާފުވެގެންނެވެ.
ޔޫއެފާގެ ފައިނޭންޝަލް ކޮންޓްރޯލް ބޮޑީއާ އެކު ލިޔޯން ހަދާފައިވާ ހަތަރު އަހަރުގެ އެއްބަސްވުމުގެ ސަބަބުން އަންނަ ސީޒަނުގައި ޔޫރޮޕާ ލީގުގައި ބައިވެރިވުމުގެ ފުރުސަތު ލިބިގެންދާނީ ފްރާންސްގެ ފުޓްބޯޅަ ފައިނޭންޝަލް ވޮޗްޑޯގް، ޑީއެންސީޖީއާ އެކު ލިޔޯން އިން ކުރި އިލްތިމާސަށް ރަނގަޅު ނަތީޖާއެއް ނެރެވިއްޖެނަމަ ކަމަށް އެ ކްލަބުގެ އޯނާޝިޕް ގްރޫޕުން ބުނެފައިވެއެވެ.
މި ޓީމްތަކުން އެއްބަސްވި ލަނޑުދަނޑިތައް ހާސިލް ނުކުރެވިއްޖެ ނަމަ ޔޫރަޕްގެ މުބާރާތްތަކުން ބާކީވުމުގެ ފުރުސަތު އެބައޮތެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %