ފޮޓޯ: ކްރެމްލިން/ވިކިމީޑިއާ
ހަމާސްއިން ހަތިޔާރު ތިރިކޮށް ހަނގުރާމަ ނިމުމަކަށް ގެނައުމަށް ފަލަސްތީންގެ ރައީސް އައްބާސް ގޮވާލައްވައިފި
Read Time:3 Minute, 4 Second
ހަމާސް އިން ހަތިޔާރު ހަވާލުކޮށް، ޣައްޒާގެ ވެރިކަން ހިންގުމުގައި އަދާކުރާ ދައުރު ހުއްޓާލުމަށް ފަލަސްތީން ރައީސް މަހްމޫދު އައްބާސް ހަމާސްއަށް އިލްތިމާސް ކުރައްވައިފިއެވެ.
އައްބާސް މިގޮތަށް ގޮވާލައްވައިފައިވަނީ މި ސަރަހައްދުގެ ހަމަނުޖެހުން ނިމުމަކަށް ގެނައުމަށާއި އިންސާނީ ދަތިކަން ހައްލުކުރުމަށް ކުރަމުންދާ މަސައްކަތްތަކުގެ ދަނޑިވަޅެއްގައެވެ. އައްބާސް ވަނީ އެއްބައިވަންތަ ފަލަސްތީނުގެ ލީޑަޝިޕެއްގެ ބޭނުންތެރިކަމަށް އަލިއަޅުވާލައްވާފައެވެ. އޭނާ ތަކުރާރުކޮށް ވިދާޅުވީ ފަލަސްތީނުގެ އޮތޯރިޓީގެ ބާރު ހަމާސްއިން ދެނެގަނެ، ފަލަސްތީނު ލިބަރޭޝަން އޮގަނައިޒޭޝަންގެ އުސޫލުތަކާ އެއްގޮތްވާން ޖެހޭކަމަށެވެ.
އަދި ހަމަނުޖެހުން ހުއްޓުވައި، އިތުރު ފުރާނަ ގެއްލިގެން ނުދިއުމަށް އަވަހަށް ހަނގުރާމަ ހުއްޓާލުމަށް ފަލަސްތީނުގެ ރައީސް ވަނީ ގޮވާލައްވާފައެވެ. އަދިި މިހާރު ހިނގަމުންދާ ހަމަނުޖެހުންތަކުގެ ސަބަބުން އާންމުންގެ ގިނަ ބަޔަކު ބޮޑެތި ދަތިތަކެއް ތަހައްމަލު ކުރަމުންދާއިރު، ޣައްޒާއަށް އިންސާނީ އެހީ ފޯރުކޮށްދިނުން އަވަސް ކުރުމަށް އޭނާ ގޮވާލެއްވިއެވެ. މީގެ އިތުރުން ހަމާސްއިން ހިފަހައްޓާފައިވާ ހުރިހާ އަސީރުން ދޫކޮށްލުމަށް ވެސް އައްބާސް ވަނީ ގޮވާލައްވާފައެވެ.
އައްބާސް އޭނާގެ ބަޔާނުގައި ވަނީ ހަނގުރާމަ ނިމުމަކަށް ގެނައުމަށް ކުރާ މަސައްކަތުގެ މެދުވެރިކަމުގައި މިސްރުންނާއި ގަތަރުން އަދާކުރާ ދައުރުތަކަށް ތައުރީފު ކުރައްވާފައެވެ. އަދި ފަލަސްތީނުގެ ރައްޔިތުން އެމީހުންގެ ވަޒަނުން ދުރުކޮށްލުމަށް ރާވާފައިވާ ޕްލޭންތައް ދެކޮޅު ހެދުމުގައި މިސްރުންނާއި އުރުދުން ކުރި މަސައްކަތްތައް އޭނާ ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %