ޓެކްސަސްގައި ފެންބޮޑުވުމުގެ ސަބަބުން 24 މީހަކު މަރުވެ، 23 އަންހެން ކުދިން ގެއްލިއްޖެ
Read Time:3 Minute, 17 Second
ބޯކޮށް ވާރޭ ވެހުމުގެ ސަބަބުން އެމެރިކާގެ ޓެކްސަސްގެ ގުއާޑަލޫޕް ކޯރުގައި ކުއްލިއަކަށް ފެންބޮޑުވުމުގެ ސަބަބުން 24 މީހުން މަރުވެ ސަމަރ ކޭމްޕްގައި ގޮސް އުޅުން ކުދިންތަކެއް ގެއްލިއްޖެއެވެ.
ފެންބޮޑުވުމުގެ ސަބަބުން ހާލުގައި ޖެހުނު އެތައް ބަޔަކަށް އެހީތެރިކަން ފޯރުކޮށްދިނުމަށް ރެސްކިއު ޓީމުތަކުން އަވަސް މަސައްކަތްތަކެއް ކޮށްފައިވާ ކަމަށާއި ގެއްލިގެން ރިޕޯޓް ކޮށްފައިވާ މީހުން ހޯދުމުގެ މަސައްކަތް ކުރިޔަށް ދާކަމަށް އެގައުމުގެ އޮފިޝަލުން ބުނެފައިވެއެވެ.
ގުއާޑަލޫޕް ކޯރު ކައިރީގައި ހުންނަ ކްރިސްޓިއަން ޖަމިއްޔާއަކަށް ނިސްބަތްވާ ކޭމްޕުގައި ތިބި ގެއްލުނު އަންހެން ކުދިން ތަކުގެ ތެރޭގައި 25 އަކަށް މީހުން ހިމެނޭ ކަމަށް ކަމާބެހޭ ފަރާތްތަކުން ބުނެއެވެ. އަދި މަރުވާ މީހުންގެ ޢަދަދު މިހާރަށްވުރެ އިތުރުވާނެކަމަށް ވެސް ލަފާ ކޮށްފައިވެއެވެ.
ރެސްކިއު ޓީމްތަކުން ރޭގަނޑު ވެސް ހެލިކޮޕްޓަރާއި ޑްރޯންގެ އެހީގައި ހާލުގައި ޖެހިފައިވާ މީހުން ހޯދުމަށާއި ތާށިވެފައި ތިބި މީހުންނަށް އެހީތެރިކަން ފޯރުކޮށްދިނުމަށް މަސައްކަތް ކުރަމުން ގެންދާކަމަށް ބުނެފައިވެއެވެ. ހޮނިހިރު ދުވަހު އިތުރަށް ބޯކޮށް ވާރޭ ވެހޭނެ ކަމަށް ލަފާކޮށްފައިވާތީ އަދިވެސް މި ނުރައްކަލަށް ހައްލެއް ލިބިފައި ނުވާއިރު، ސެންޓްރަލް ޓެކްސަސްގެ ބައެއް ސަރަހައްދުތަކަށް ފެންބޮޑުވުމުގެ އިންޒާރުތަކާއި ފެންބޮޑުވާ ގަޑިތައް ދަނީ އަންގަމުންނެވެ.
ސެން އެންޓޯނިއޯގެ ހުޅަނގު އުތުރުން ގާތްގަނޑަކަށް 105 ކިލޯމީޓަރު (65 މޭލު) ދުރުގައި އޮންނަ ޓެކްސަސް ހިލް ކަންޓްރީގައި އޮންނަ ކެރް ކައުންޓީގެ ބައެއް ސަރަހައްދުތަކަށް 300 މިލިމީޓަރަށް ބޯކޮށް ވާރޭ ވެހުމުގެ ސަބަބުން އެމެރިކާގެ ނޭޝަނަލް ވެދާ ސާވިސް އިން ވަނީ ފެންބޮޑުވުމުގެ ކުއްލި ނުރައްކަލުގެ ހާލަތު ނެރެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %