ސޫރިޔާގެ ބޯޑަރުގެ ކައިރީގައި ރޯވެފައިވާ އަލިފާންގަނޑު ނިއްވާލުމަށް ތުރުކީވިލާތުން އެހީތެރިކަން ފޯރުކޮށްދޭން ފަށައިފި
Read Time:3 Minute, 23 Second
ސޫރިޔާގެ އިރުއުތުރުގައި ފެތުރެމުންދާ އަލިފާނުގެ ހާދިސާތަކާއި ގުޅިގެން ސޫރިޔާގެ ސިވިލް ޑިފެންސްގެ ޓީމުތަކުން އަލިފާންގަނޑު ނިއްވުމުގެ މަސައްކަތް ކުރަމުންދާއިރު، އެންމެ ބޮޑަށް ގެއްލުން ލިބިފައިވަނީ ލަޓާކިއާގެ އައްސޭރިފަށުގެ ސަރަޙައްދަށެވެ.
މިއަލިފާނުގެ ހާދިސާއާއި ގުޅިގެން، ތުރުކީއިން ވަނީ ސޫރިޔާގައި ހިނގަމުންދާ އަލިފާނުގެ ހާދިސާއިން އަރައިގަތުމަށް އެހީތެރިވުމުގެ ގޮތުން ތުރުކީގެ އަލިފާން ނިއްވުމުގައި ބޭނުން ކުރާ ދެމަތިންދާ ބޯޓެއް މިދިޔަ ހޮނިހިރު ދުވަހު ފޮނުވާފައެވެ. އަދި މީގެ އިތުރުން ތުރުކީގެ އަލިފާން ނިއްވާ ސިފައިންވެސް ވަނީ އެގައުމުގެ ބޯޑަރުގެ ކައިރީ އަލިފާން ރޯވުމުގެ ސަބަބުން އެ އަލިފާނގަނޑު ފެތުރުނަނުދީ ކޮންޓްރޯލް ކުރުމުގެ މަސައްކަތުގައި ހަރަކާތްތެރިވެފައެވެ. މައުލޫމާތު ލިބިފައިވާ ގޮތުގައި އެގައުމުގެ ހުޅަނގުން އެކަކު ވަނީ މަރުވެފައެވެ.
ސޫރިޔާގެ މިނިސްޓަރ އޮފް އިމަރޖެންސީ އެންޑް ޑިޒާސްޓަރ މެނޭޖްމަންޓް ރާއިދު އަލް ސާލިޙް ވިދާޅުވީ ސޫރިޔާގެ ހުޅަނގު އުތުރު ލަޓާކިއާ ސަރަޙައްދުގައި ރޯވި އަލިފާންގަނޑުން އަރައިގަތުމަށް އެހީތެރިވުމަށް އެގާރަ ފަޔަރ ޓްރަކާއި ވޯޓަރ ސަޕޯޓް ވެހިކަލެއް ފޮނުވާފައިވާކަމަށެވެ. އޭނާ އެކްސްގައި ކުރި ޕޯސްޓެއްގައި ބުނެފައި ވަނީ ”ތުރުކީގައި ކުއްލިއަކަށް ރޯވި އަލިފާނުގެ ހާދިސާތަކުގެ ސަބަބުން“ ގާތްގަނޑަކަށް އެއް ދުވަސް ވަންދެން އެމީހުން އެހީފޯރުކުރުމަށް އައުން ލަސްވި ކަމަށެވެ
ފާއިތުވި ހަފުތާގައި ތުރުކީ، ގްރީސް އަދި ސޫރިއާގައި ރޯވި އަލިފާންގަނޑުތައް ވަނީ ހޫނުމިން ގަދަވެ ވައިގަދަވުމުގެ ސަބަބުން ވަރަށް ބޮޑަށް އެސަރަހައްދަށް ފެތުރިފައެވެ. ތުރުކީގައި ހިނގި އަލިފާނުގެ ހާދިސާތަކުގެ ސަބަބުން އެތައް ހާސް ގެތަކެއް ހުސްކުރަންޖެހި، ގާތްގަނޑަކަށް 200 އެއްހާ ގެއަކަށް ވަނީ ބޮޑެތި ގެއްލުންތަކެއް ލިބިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %