ނިއުކްލިޔާ މަޝްވަރާތައް އަލުން ފެށުމަށް ޓްރަމްޕް އެދިފައިނުވާ ކަމަށް އީރާނުން ބުނެފި
Read Time:2 Minute, 45 Second
އެމެރިކާގެ ރައީސް ޑޮނާލްޑް ޓްރަމްޕް އީރާނާއިއެކު މަޝްވަރާތަކެއް ކުރަން ނިންމަވާފައިވާ ކަމަށް ވިދާޅުވެފައިވީނަމަވެސް، އެފަދަ މަޝްވަރާއެއް ކުރަން އެދިފައިނުވާ ކަމަށް އީރާނުން މިޔަދު ބުނެފިއެވެ.
އީރާނުގެ ޚާރިޖީ ވުޒާރާގެ ތަރުޖަމާނު އެސްމައިލް ބަޣާއީ ވަނީ އެގައުމުގެ ނިއުސް އޭޖެންސީއެއް ކަމައްވާ ތަސްނީމްއަށް މިއަދު ދެއްވި ބަޔާނެއްގައި އެމެރިކާގެ ފަރާތުން ބައްދަލުވުމެއް ބޭއްވުމަށް އެދިފައި ނުވާކަމަށް ވިދާޅުވެފައެވެ. ހާރިޖީ ވުޒާރާގެ ތަރުޖަމާނު މިކަން ކަށަވަރު ކޮށްދެއްވާފައި ވަނީ، ޓްރަމްޕްއާއި ނަތަންޔާހޫ ވައިޓްހައުސްގަައި ބޭއްވި ފަރިއްކޮޅެއްގެ ފަހުން ޓްރަމްޕް އެގައުމުގެ ރިޕޯޓަރުންނާ ބައްދަލުކުރައްވާ އެފަދަ ވާހަކައެއް ވިދާޅުވެފައިވަނިކޮށެވެ.
އެގޮތުން މިދިޔަމަހުގެ 12 ވަނަ ދުވަހުގެ ފަހުން އީރާނާއި އިޒްރާއީލާ ދެމެދު ހިނގި ހަމަނުޖެހުމަށްފަހު، އީރާނުން އެމެރިކާއާއިއެކު އާނިއުކްލިއާ އެއްބަސްވުމެއް އެކުލަވާލުމަށް މަޝްވަރާތައް އަމަިލީގޮތުން ކުރިއަށް ގެންދާކަމަށް އެމެރިކާގެ ރައީސް ޑޮނާލްޑް ޓްރަމްޕް ވިދާޅުވެފައިވެއެވެ.
މިދިޔަ މަހު އެމެރިކާއާއި އީރާނުން ނިއުކްލިއާ މަޝްވަރާތައް ބޭއްވުމަށް ހަމަޖެހިފައިވަނިކޮށް އެމެރިކާއިން ވަނީ އީރާނުގެ ބައެއް ހިސާބުތަކަށް ހަމަލާދީ ހަމަނުޖެހުންތަކުގައި އިޒްރާއީލާއެކު ބައިވެރިވެފައެވެ. އަދި އެއަށްފަހު އެމެރިކާގެ ރައީސް ޓްރަމްޕް ވަނީ އެހަންގުރާމަ ހުއްޓާލުމަށް މަޝްވަރާކޮށް ހަނގުރާމަ ހުއްޓުވާފައެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %