އިސްރާއީލުން އެމީހުންގެ އެކުވެރި އެމެރިކާގެ މީހެއް މަރާލައިފި
Read Time:3 Minute, 8 Second
ހިފާފައިވާ ހުޅަނގު އައްސޭރީގައި ވަޒަންވެރިވެފައިވާ އިސްރާއީލުގެ ރައްޔިތުންތަކެއް، އެމެރިކާގެ 20 އަހަރުގެ ޒުވާނެއް ގައިގައި ތަޅާ މަރާލާފައިވާ ކަމަށް އެނާގެ އާއިލާއާއި ހައްގަށް މަސައްކަތްކުރާ ޖަމިއްޔާތަކުން ބުނެފިއެވެ. ރަމައްލާގެ އުތުރުން އޮންނަ ސިންޖިލް ޓައުންގައި ދިރިއުޅޭ ސެއިފް އަލްދިން މުސްލާތު ނަމަކަށް ކީޔާ ޒުވާނަކު މަރާލާފައިވާ ކަމަށް ފަލަސްތީނުގެ ހެލްތު މިނިސްޓްރީއިން ވަނީ ވިދާޅުވެފައެވެ.
ފްލޮރިޑާގެ ޓަމްޕާއަށް ނިސްބަތްވާ މުސްލާތުގެ އާއިލާ މީހުންނާ ހަވާލާދީ ދަ ވޮޝިންގްޓަން ޕޯސްޓްއިން ބުނެފައިވަނީ މުސްލާތު މަރާލާފައިވަނީ އިސްރާއިލުގެ މީހުންތަކެއް އޭނާއަށް ހަމަލާދީގެންނެވެ. އަދި ސްޓޭޓް ޑިޕާޓްމަންޓްގެ ތަރުޖަމާނު ރޮއިޓާސްއަށް ދިން ބަޔާނެއްގައި ބުނެފައިވަނީ ހުޅަނގު އައްސޭރީގައި އެމެރިކާގެ ރައްޔިތަކު މަރުވިކަމުގެ ރިޕޯޓް ލިބިފައިވާކަމަށާއި މަރާލެވުނު މީހާގެ އެއާއިލާގެ ޒާތީކަންކަން ރައްކާތެރިކުރުމަށް އެކަމުގެ އިތުރު ތަފްސީލެއް ދެވެން ނެތް ކަމަށެވެ.
މުސްލަތު ފަލަސްތީނަށް ގޮސްފައިވަނީ އޭނާގެ ދެބެންގެ ދެދަރި ކޮއްކޮ ފާތުމާ މުހައްމަދު ގާތަށް ޒިޔާރަތްކުރުމަށް ކަމަށް އޭނާގެ ސޯޝަލް މީޑިއާ ޕޯސްޓް އެއްގައި ލިޔެފައިވެއެވެ.
ފަލަސްތީނުގެ ހެލްތު މިނިސްޓްރީއިން ވިދާޅުވެފައިވަނީ އެ ހަމަލާގައި ޔަހޫދީ އިސްރާއިލްގެ މީހުންވަނީ ފަލަސްތީނުގެ ރައްޔިތެއްކަމަށްވާ މުހައްމަދު ޝަލަބި ގަޔަށް ބަޑި ޖަހާ ޝަހީދުކޮށްލާފައިވާކަމަށެވެ.
ހައްގުތަކަށް ވަކާލާތުކުރާ ފަރާތްތަކުން ވަނީ އެމެރިކާގެ ރައީސް ޑޮނާލްޑް ޓްރަމްޕްގެ ވަރިކަމުގައި އެމެރިކާގެ ރައްޔިތެއް އިސްރާއިލްގައި މަރާލާފައިވުމުން ޖަވާބްދާރީވުމަށް ގޮވާލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %