އިސްރާއިލުން ޣާޒާގެ ރެފިއުޖީ ކޭމްޕަކަށް ހަމަލާދީފި
Read Time:2 Minute, 12 Second
އިސްރާއިލުން ޣައްޒާގެ ރެފިއުޖީ ކޭމްޕެއްކަމަށްވާ ޝަތީ ކޭމްޕަށް ހަމަލާދީ 5 މީހުން ޝަހީދުކޮށްލައިފިއެވެ. ޝާތީ ކޭމްޕަކީ ޣައްޒާގެ އިރުއުތުރުގައި ގާއިމްކޮށްފައިވާ ރެފިއުޖީ ކޭމްޕެކެވެ. މިކޭމްޕަށް ދިން ހަމަލާގައި 5 މީހަކު ޝަހީދުވެފައިވާއިރު، މިހަމަލާގައި ގިނަ އަދަދެއްގެ މީހުންވަނީ ޒަހަމްވެފައެވެ.
އެމެރިކާގެ ޑޮކްޓަރެއްކަމަށްވާ ޑރ. ޚާލިދު އަލް ހްރައިޝް އަލްޖަޒީރާއަށް މައުލޫމާތު ދިންގޮތުގައި އިސްރާއިލްގެ ސިފައިން ވަނީ ޣައްޒާއަށް އެތެރެ ކުރަން މަސައްކަތްކުރި ކުޑަކުދިންނަށްދޭ ބޭބީ ފޯމިއުލާ ހިފަހައްޓާފައެވެ.
އިސްރާއިލްގެ ސިފައިން ވަނީ ޣައްޒާގެ އުތުރުގައި ދިރިއުޅޭ އާއިލާތަކައް އެސަރަހައްދުން ބޭރުވުމަށް އަނގާ ޣައްޒާގެ ދެކުނުގައި އޮންނަ އަލް މަވާސީއަށް ދިޔުމަށް އަންގާ އިންޒާރު ދީފައެވެ. މިފަދައިން އިސްރާއިލް ސިފައިން ދައްކާ ”ސޭފް ޒޯން“ ތަކަށް ބަދަލުކޮށް އެތަންތަނަށް ހަމަލާދެމުންދެއެވެ.
ސިލްސިލާކޮށް ގެންދާ މިހަމަލާތަކުގައި ޣައްޒާގެ ތެރޭގައި ހުއްޓުމެއްނެތި އިސްރާއިލްގެ ސިފައިން ދަނީ މީހުން މަރަމުންނެވެ. އަދި މި ހަމަލާތަކުގައި އިއްޔެ އެކަނިވެސް ވަނީ ފަލަސްތީނުގެ 78 މީހަކު ޝަހީދުކޮށްލާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %