ތައިލެންޑާއި ކެމްބޯޑިއާއާ ބަދަލުކުރާ ހަމަލާތައް ގިނަވެ، ހަނގުރާމައަކާއި ދިމާލަށް
Read Time:3 Minute, 58 Second
ތައިލެންޑާއި ކެމްބޯޑިއާ ބޯޑަރު ސަރަހައްދުގައި ހަމަލާ ބަދަލުކުރުންތައް ގިނަވެ، ބޮޑު ހަނގުރާމައަކާއި ދިމާލަށް ދިޔުމުގެ ބިރު އުފެދިއްޖެއެވެ.
މީގެ ކުރިންވެސް މި ދެގައުމުގެ ދެމެދު މިފަދަ ހަމަނުޖެހުންތައް އުފެދުނު ނަމަވެސް، މިފަހަރު މިއީ މި ފާއިތުވި އަހަރު ތަކުގެ ތެރޭ އެންމެ ހަމަލާތައް ބަދަލުކުރަން ފެށި ފަހަރަށް ވެގެން ހިނގައްޖެއެވެ.
ޖުލައި 24 ވަނަ ދުވަހު ފެށި މި ހަމަނުޖެހުން ފެށިގެން އައީ ދެ ގައުމުން ވެސް ހޯދަން ބޭނުން ”ޓާ މުއެން ތޮމް ފައްޅި“ ގެ މައްސަލައިގެ އިތުރުން ލޭންޑްމައިން ބޮމެއް ގޮވުމުގެ ހާދިސާއެއްގެ ސަބަބުންނެވެ.
އެއަށް ފަހު ތައިލެންޑް ސިފައިން ވަނީ ވައިގެ ހަމަލާތަކާއި އާޓިލަރީ ބޮމުގެ ހަމަލާތަކެއް ކެމްބޯޑިއާއަށް ދީފައެވެ. އަދި ކެމްބޯޑިއާ ސިފައިން ވަނީ އެމީހުންގެ ހަތިޔާރުތަކުން ރައްދުދީފަ އެވެ. މިހާރު މި ހަމަލާ ބަދަލުކުރުންތައް ވަނީ އެ ސަރަހައްދުގެ 12 ތަނަކަށް ފެތުރިގެން ގޮސްފައެވެ.
މި ހަމަލާތަކުގެ ސަބަބުން މަދުވެގެން 16 މީހަކު މަރުވެފައިވާއިރު އޭގެ ތެރެއިން ގިނައީ އާންމުންނެވެ. އަދި އެތައް ބަޔަކަށް އަނިޔާވެފައިވާއިރު، ތައިލެންޑްގެ 100،000 އަށް ވުރެ ގިނަ މީހުން ވަނީ ބޯޑަރު ކައިރީގައި ހުރި ގެދޮރު ދޫކޮށް ގޮސްފަ އެވެ. ކެމްބޯޑިއާ އިން ވެސް ވަނީ 4،000 އެއްހާ މީހުން ރައްކާތެރި ހިސާބުތަކަށް ބަދަލުކޮށްފަ އެވެ.
ދެގައުމުން ވެސް އާންމުން އުޅޭ ތަންތަނަށް ހަމަލާދޭ ކަމުގެ ތުހުމަތު ކުރަމުން އަންނައިރު، ކެމްބޯޑިއާ ވަނީ ތައިލޭންޑުން މަނާ ހަތިޔާރެއް ކަމަށްވާ ”ކްލަސްޓާރ ބޮމް“ ބޭނުން ކުރާކަމުގެ ތުހުމަތު ވެސް ކޮށްފައެވެ. އެހެން ނަމަވެސް ތައިލެންޑުން ވަނީ މިކަން ދޮގުކޮށްފައެވެ.
ހަނގުރާމަ ހުއްޓާލުމަށް ޑިޕްލޮމެޓިކް މަސައްކަތްތައް ކުރިއަށްދާއިރު، އޭއެސްއީއޭއެން އިން ވަނީ ހަނގުރާމަ ހުއްޓާލުމަށް ހުށަހަޅާފައެވެ. ކެމްބޯޑިއާގެ ބޮޑުވަޒީރު ހަން މަނެޓް މި ހުށަހެޅުމަށް ތާއީދު ކުރައްވާފައިވާއިރު، ތައިލެންޑުން ވަނީ އޭގެ ބަދަލުގައި ސީދާ ދެ ގައުމުގެ މަޝްވަރާތަކަށް އިސްކަން ދިނުމަށް ގޮވާލާފައެވެ.
މީގެއިތުރުން އދ. ގެ ސެކިއުރިޓީ ކައުންސިލުން ވަނީ ކުއްލި ބައްދަލުވުމެއް ބާއްވައި މި ހަމަނުޖެހުމަށް ހައްލެއް ހޯދަން މަސައްކަތް ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %