ބޭނުން ނުކޮށް ދޫކޮށްލާފައިވާ ވެހިކަލްތައް ނެގުމުގެ މަސައްކަތް ފަށައިފި
Read Time:2 Minute, 5 Second
މާލޭގެ މަގުތަކުގައި ބޭނުން ނުކޮށް ދޫކޮށްލާފައިވާ ވެހިކަލްތައް ނެގުމުގެ މަސައްކަތް ފުލުހުންގެ ހިދުމަތުން ފަށައިފިއެވެ.
މަގުމަތީގައި ގިނަ ދުވަހު ބަހައްޓާފަހުރި ވެހިކަލްތައް ނެގުމުގެ މަސައްކަތް ފެށީ، މާލޭގެ މަގުތަކަކީ އެންމެންނަށް ރައްކާތެރި، ހިތްފަސޭހަ ތަނަކަށް ހެދުމަށް ކުރަމުން އަންނަ މަސައްކަތުގެ ތެރެއިން ކަމަށް ފުލުހުން ބުނެފައިވެއެވެ. މި މަސައްކަތް ކުރަމުން ދަނީ ފުލުހުންނާއި، މާލެ ސިޓީ ކައުންސިލާއި، ސިޓީތަކާއި އިދާރީ ދާއިރާތައް ހިންގުމާއި ބެހޭ ވުޒާރާ ގުޅިގެންނެވެ.
”މާލެ ސިޓީގެ މަގުތަކުގައި، އާންމުންނަށް ދަތިވާގޮތަށްގޮތަށް، ދިގު މުއްދަތަކަށް ބޭނުން ނުކޮށް ދޫކޮށްލާފައިވާ އުޅަނދުތައް ނެގުމުގެ މަސައްކަތް، ދިވެހި ފުލުހުންގެ ޚިދުމަތާއި، މާލެ ސިޓީ ކައުންސިލާއި، ސިޓީތަކާއި އިދާރީ ދާއިރާތައް ހިންގުމާބެހޭ ވުޒާރާ ގުޅިގެން ދަނީ ކުރަމުން.: ފުލުހުން ބުނެފައިވެއެވެ.
މިއަހަރުގެ ފެބްރުއަރީ މަހުގައިވެސް ވަނީ މާލެ ތެރޭގައި ބޭނުން ނުކޮށް ގިނަ ދުވަހު ބަހައްޓާފަހުރި ވެހިކަލްތައް ނަގާފައެވެ. އެފަހަރުވެސް ފުލުހުން ވަނީ 400 އަށް ވުރެން ގިނަ ވެހިކަލް ނަގާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %