މަސްވެރިކަމަށް ޒުވާނުން ޝައުގުވެރިކުރުވަން ހިންގާ ޕްރޮގްރާމެއްގައި ބައިވެރިވުމުގެ ފުރުސަތު
Read Time:2 Minute, 30 Second
މަސްވެރިކަމަށް ޒުވާނުންގެ ޝައުގުވެރިކަން އުފައްދާ މަސްވެރިކަމުގެ ދާއިރާއަށް ޒުވާނުން ނެރުމަށް ފިޝަރީޒް މިނިސްޓްރީން ހިންގާ ޕްރޮގްރާމެއްގައި ބައިވެރިވުމުގެ ފުރުސަތު ހުޅުވާލައިފި އެވެ.
މި ޕްރޮގްރާމްއަކީ ފިޝަރީޒް މިނިސްޓްރީން ވޯލްޑް ބޭންކްގެ އެހީގައި ކުރިއަށްގެންދާ ”ޓްރާންސްފޯމިން ފިޝަރީޒް ސެކްޓާ އިން ސައުތު-ވެސްޓް އިންޑިއަން އޯޝަން ރީޖަން އެންޑް މޯލްޑިވްސް ޕްރޮޖެކްޓް“ ގެ ދަށުން ކުރިއަށް ގެންދާ ޕްރޮގްރާމެކެވެ. މި ޕްރޮގްރާމް އަކީ ތިން މަސް ދުވަހަށް ކުރިއަށް ގެންދާ ތަމުރީނު ޕްރޮގްރާމެކެވެ.
ތަމްރީނުގައި ބައިވެރިވާން ބޭނުންވާ ޒުވާނުންނަށް ސެޕްޓެމްބަރު މަހުގެ 30 ގެ ނިޔަލަށް ވަނީ ޕްރޮގްރާމަށް އެޕްލައި ކުރުމުގެ ފުރުސަތު ހުޅުވާލެވިފައެވެ. ޕްރޮގްރާމުގައި ބައިވެރިވުމުގެ ފުރުސަތު ލިބޭނީ މަސްވެރިކަމުގެ ސިނާއަތުގައި ޝައުގުވެރިވާ 24 އަހަރުން ދަށުގެ ފަސް ޒުވާނުންނަށެވެ.
މި ޕްރޮގްރާމްގައި ބައިވެރިވާ ޒުވާނުންނަށް ތިން މަސް ދުވަހަށް ދުވަހު އެލަވަންސް އެއް ދިނުމަށް ވެސް ވަނީ ހަމަޖެހިފައިވެއެވެ.
މިނިސްޓްރީން ވަނީ ޕްރޮގްރާމްގައި ބައިވެރިވާން ބޭނުންވާ ފަރާތްތަކުން ފޯމު ފުރިހަމަ ކުރުމަށް ފަހު އައިޑީ ކާޑުގެ ކޮޕީއާ އެކު އީމެއިލު ކުރަން އެދިފައެވެ. ޕްރޮގްރާމާއި ބެހޭ އިތުރު މައުލޫމާތު ބޭނުންވާ ނަމަ 3339276 އަށް ގުޅުމަށް މިނިސްޓްރީން އެދިފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %