ތައިލެންޑުގައި ކުރިޔަށްދިޔަ ޕަވަރލިފްޓިން މުބާރާތުން ރާއްޖެއަށް 4 ރަން މެޑަލް އާއި 2 ރިހި މެޑަލް
Read Time:4 Minute, 9 Second
ތައި އެމެޗަރ އެސޯސިއޭޝަން އޮފް ޕަވަރލިފްޓިން ނޭޝަނަލް ކޮލިފިކޭޝަން މުބާރާތުގައި ރާއްޖެއަށް 4 ރަން މެޑަލް އާއި 2 ރިހި މެޑަލް ހޯދައިފިއެވެ.
އޭޝިއާގެ މި ސަރަހައްދުގެ ގައުމުތަކުން ބައިވެރިވި މި މުބާރާތުގައި ރާއްޖޭން 6 ބައިވެރިން ވާދަކުރިއެވެ. މި ބައިވެރިންނަކީ އާދަމް މިބްސާމް ސަލީމް، ރިކްޒު އާދިލް ޖަލީލް، މަރިޔަމް އަފްޒާ ހަސަން، އިބްރާހިމް ޠާއިފް އަހުމަދު، އިމްކާން އިބްރާހިމް އަދި ދީނާ އަބޫބަކުރު އެވެ.
މި މުބާރާތުގައި ރަން މެޑަލް ހޯދީ މިބްސާމް، ރިކްޒު، އަފްޒާ އަދި ޠާއިފް އެވެ. އެގޮތުން، މިބްސާމް ވަނީ މި މުބާރާތުގައި 66 ކިލޯގެ ޖޫނިއާ ކެޓަގަރީން 202.5 ކިލޯގެ ސުކުއަޓް އަދި 115 ކިލޯގެ ބެންޗްޕްރެސްއާއި އެކު ޖުމްލަ 260.5 ކިލޯ އުފުލައިގެން 66 ކިލޯގެ ޖޫނިއާރ ތައި ނޭޝަނަލް ރެކޯޑެއް ގާއިމުކޮށް ރަން މެޑަލް ހޯދާފައެވެ. އަދި އޭނާ ވަނީ މުޅި މުބާރާތުގެ ދެވަނަ ހޯދާފައެވެ.
ރިކްޒު ވާދަކުރި ފިރިހެނުންގެ 59 ކިލޯގެ އޯޕަން ކެޓަގަރީގައި އޭނާ ވަނީ 135 ކިލޯގެ ސްކުއަޓްއާއި 87.5 ކިލޯގެ ބެންޗް ޕްރެސްއާއި 165 ކިލޯގެ ޑެޑްލިފްޓް އިން ޖުމްލަ 397.5 ކިލޯ އުފުލައިގެން ރަން މެޑަލް ހޯދާފައެވެ. އަފްޒާ ރަން މެޑަލް ހޯދީ އަންހެނުންގެ 47 ކިލޯގެ އޯޕަން ކެޓަގަރީން 76 ކިލޯގެ ސްކުއަޓް އަދި 40 ކިލޯގެ ބެންޗް ޕްރެސް އާއި 122،5 ކިލޯގެ ޑެޑްލިފްޓް ފުރިހަމަކޮށް ޖުމްލަ 237.5 ކިލޯ އުފުލައިގެންނެވެ. އަދި ޠާއިފް ރަން މެޑަލް ހޯދީ ފިރިހެނުންގެ 66 ކިލޯގެ އޯޕަން ކެޓަގަރީން 127.5 ކިލޯ ސުކުއަޓް އާއި 75 ކިލޯގެ ބެންޗް ޕްރެސް އާއި 195 ކިލޯގެ ޑެޑްލިފްޓް ފުރިހަމަކޮށްގެން ޖުމްލަ 397.5 ކިލޯގެ ބަރު އުފުލައިގެންނެވެ.
ރިހި މެޑަލް ހޯދި ދެ ބައިވެރިންގެ ތެރެއިން އިމްކާން ވަނީ ފިރިހެނުންގެ 75 ކިލޯގެ އޯޕަން ކެޓަގަރީގައި ވާދަކޮށް 200 ކިލޯގެ ސުކުއަޓް އަދި 135 ލިކޯގެ ބެންޗް ޕްރެސް އާއި 225 ކިލޯގެ ޑެޑްލިފްޓާއެކު ޖުމްލަ 560 ކިލޯ އުފުލައިގެން ދެވަނަ ހޯދާފައެވެ. އަދި ދީނާ ރިހި މެޑަލް ނެގީ އަންހެނުންގެ 63 ކިލޯގެ އޯޕަން ކެޓަގަރީން 110 ކިލޯގެ ސްކުއަޓް އަދި 55 ކިލޯގެ ބެންޗްޕްރެސް އާއި 127.5 ކިލޯގެ ޑެޑްލިޕްޓް ހަދައި ޖުމްލަ 292.5 ކިލޯ އުފުލައިގެންނެވެ.
މި ކާމިޔާބީއާއެކު މިއީ ރާއްޖެއަށް ލިބުނު ވަރަށް ބޮޑު ބައިނަލްއަގްވާމީ ކާމީޔާބީއެއް ކަމަށް ވެއިޓް ލިފްޓިން އެސޯސިއޭޝަން އޮފް މޯލްޑިވްސްއިން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %