ނޫސްވެރިން ގޮވާލަނީ ބިލް ބޭރުކުރަން، ސަރުކާރުން ބުނީ އިސްލާހުކުރެވިދާނެ ކަމަށް
Read Time:2 Minute, 47 Second
މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަންގެ ބިލު ބޭރުކުރަން ގޮވައި ނޫސްވެރިން މުޒާހަރާ ކުރަމުންދާއިރު، ސަރުކާރުން ބުނީ ބިލު ބޭރު ކުރަން ޖެހޭ ސަބަބެއް ނެތް ކަމަށާއި، ނަމަވެސް އިސްލާހުކުރެވިދާނެ ކަމަށެވެ.
މިއަދު ހެނދުނުން ފެށިގެން ނޫސްވެރިން އަންނަނީ މި ބިލާއި ދެކޮޅަށް އަޑު އުފުލައި މުޒާހަރާ ކުރަމުންނެވެ. މުޒާހަރާގެ ބައިވެރިން މި ބިލު ސިފަ ކޮށްފައިވަނީ މިނިވަން މީޑިއާ ނައްތާލާ ބިލެއްގެ ގޮތުގައެވެ
ނޫސްވެރިންގެ އެދުމުގެ މަތިން، އެމީހުންގެ ކަންބޮޑުވުން އަޑު އެއްސެވުމަށް ރައީސް ވަނީ މިއަދު ނޫސްވެރިންނާއެކު ބައްދަލުވުމެއް ބާއްވަވާފައެވެ. މި ބައްދަލުވުމުގައި ރައީސް ވަނީ ހުރިހާ ކަންބޮޑުވުންތައް އަޑުއައްސަވާ އެކަންކަމާއި މެދު ވިސްނާވަޑައިގަންނަވާނެމި ކަމަށް ވިދާޅުވެފައެވެ.
އަދި މިއަދު ބަންޑާރަ ނައިބުގެ އޮފީހުން ބޭއްވެވި ޕްރެސް ކޮންފަރެންސެއްގައި ބަންޑާރަ ނައިބު އަލްއުސްތާޛު އަޙްމަދު އުޝާމް ވިދާޅުވީ ބިލު އަނބުރާ ގެންދަންޖެހޭކަމަށް ގަބޫލު ނުކުރައްވާކަމަށާއި، ނަމަވެސް މިހާރު މި ހުށަހަޅާފައި އޮތް ބިލު އިތުރަށް ދިރާސާކުރުމަށް ފަހު ރަނގަޅުކޮށްގެން ކުރިއަށް ދެވިދާނެ ކަމަށެވެ.
ބިލު ބޭރު ނުކުރާނެ ކަމަށް ބުނުމުން ނޫސްވެރިންވަނީ މި ޕްރެސް ކޮންފަރެން ބޮއިކޮޓް ކުރަނީ ކަމަށް ބުނެ، އެތަނުން ނިކުމެފައެވެ. އެމީހުން ބުނީ އެމީހުންގެ ސްޓޭންޑް މިކަމުގައި ބަދަލު ނުވާނެ ކަމަށާއި، މިކަމުގައި ދޫ ނުދޭނެ ކަމަށެވެ.
ނޫސްވެރިން މިވަގުތު ވެސް އަންނަނީ މުޒާހަރާ ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %