ގުޅީފަޅުން ދޫކޮށްފައިވާ ގޯތިތަކުގެ އިން ވަކި ކުރަން ފަށައިފި
Read Time:2 Minute, 22 Second
ބިންވެރިޔާ ސްކީމްގެ ދަށުން ގުޅިފަޅުން ދޫކޮށްފައިވާ ގޯތިތަކުގެ އިން ވަކިކޮށް، ބިން ސާފުކުރަން ފަށައިފިއެވެ.
މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާއިން އެކްސްގައި ކުރި ޕޯސްޓެއްގައި ވަނީ ގުޅީފަޅުގެ ބިންތަކުގައި އިން ވަކިކުރުމުގެ މަސައްކަތް ކުރަމުންދާ ފޮޓޯއާއެކު، ބިންވެރިޔާ ސްކީމްގެދަށުން، ގުޅިފަޅުން ދޫކުރާ ގޯތިތަކުގެ ބިންތައް ސާފުކޮށް، އިންވަކިކުރުމުގެ މަސައްކަތް ފަށާފައިވާ ކަމަށް އިއުލާންކޮށްފައެވެ.
މި ސަރުކާރުން ގުޅީފަޅުގެ ”ލޭންޑް ޔޫޒް ޕްލޭން“ ބަދަލު ކުރުމާއި ގުޅިގެން އެތަނުން ގޯތި ލިބުނު ފަރާތްތަކަށް ވަނީ އަލުން އައު ރަޖިސްޓްރީއެއް ހަވާލު ކުރުމުގެ މަސައްކަތް ވެސް ފަށާފައެވެ. އަދި ބިން ލިބޭ ތަން ކަނޑައެޅުމަށް މިދިޔަ މެއި މަހުގެ 30 ވަނަ ދުވަހު ވަނީ އަލުން ގުރު ނަގާފައެވެ.
މިހާރު އިން ވަކިކުރަން ފަށާފައިވާއިރު، ގިނަ ބަޔަކު ވަނީ އައު ރަޖިސްޓްރީ އާއި ހަވާލުވެފައެވެ. އެގޮތުން މިހާތަނަށް 1،200 އަށް ވުރެ ގިނަ ގޯތީގެ ރަޖިސްޓްރީ ވަނީ ވެރިފަރާތާ ހަވާލުކުރެވިފައެވެ.
މިދިޔަ ސަރުކާރުން 2،000 ގޯތި ގުޅީފަޅުން ދޭން ނިންމައި ގުރު ނެގިއިރު، މި ސަރުކާރުން ވަނީ މި އަދަދު 3،520 އަށް އިތުރުކޮށް، ގިރާވަރުފަޅުން ލިބުނު މީހުން ގުޅީފަޅަށް ބަދަލު ކުރުމުގެ ފުރުސަތު ދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %