ވީޑިއޯ ނަގައި، ބްލެކްމެއިލްކޮށް ބިރުދެއްކި މައްސަލައެއްގައި ބަޔަކު ހައްޔަރުކޮށްފި
Read Time:3 Minute, 0 Second
މީހަކަށް ބިރުދައްކައި، އޭނާގެ ބަރަހަނާ ވީޑިއޯކޮށް ބްލެކްމެއިލް ކޮށްގެން ފައިސާ ހޯދި މައްސަލައެއްގައި ދެ މީހަކު ހައްޔަރުކޮށްފިއެވެ.
ފުލުހުން ބުނީ، ފޭސްބުކް މެސެންޖަރ އިން މީހަކަށް އޭނާގެ ބަރަހަނާ ވީޑިއޯ ހުރިކަމަށް ބުނެ ބިރުދައްކައި ބްލެކްމެއިލްކުރުމުގެ އިތުރުން، އޭނާ ހުޅުމާލެ ފޭސް 1 ގައި ހުންނަ ތަނަކަށް ގެންގޮސް ވަޅިން ބިރުދައްކައި، އެ މީހާގެ އެކައުންޓުން ފައިސާ ނަގާފައިވާކަމަށެވެ. އަދި އެތަނުން އޭނާ ބަރަހަނާކޮށް، ވީޑިއޯ ކުރުމަށް ފަހު އިތުރު ފައިސާ ހޯދުމަށް ޑިމާންޑް ކުރި ކަމަށް ފުލުހުން ބުނެފައިވެއެވެ.
މި މައްސަލަ ފުލުހުންނަށް ރިޕޯޓްކުރީ މިދިޔަ މަހުގެ 31 ވަނަ ދުވަހުއެވެ.
މިމައްސަލަގައި ހައްޔަރުކޮށްފައިވަނީ ހއ. ފިއްލަދޫ، ސީރީންމަންޒިލް، އުމުރުން 29 އަހަރުގެ މުހައްމަދު ޟަމީރު އާއި، ލ. ގަން، ތުނޑި އަވަށު އަރާއިރު، އުމުރުން 37 އަހަރުގެ އަލީ ހައިސަލް އެވެ. މި ދެމީހުން ވެސް ހައްޔަރުކުރީ މިމަހުގެ 4 ވަނަ ދުވަހު ފުލުހުން ހިންގި އޮޕަރޭޝަނެއްގައެވެ.
އެމީހުން ދިރިއުޅޭ އެޕާޓްމަންޓް ތެރެއިން އެ އެޕާޓްމަންޓު ބަލައިފާސްކުރިއިރު، މިގޮތަށް ފޭރިގެން ހޯދާފައިވާ ކަމަށް ބެލެވޭ ތަކެތި ފެނިފައިވާ ކަމަށް ފުލުހުން ބުންޏެވެ. އެގޮތުން 3 މޯބައިލްފޯނާއި، 3 އަތުކުރީ ގަޑިއާއި، ޑްރޯންއަކާއި، ދޮށްޓަކާއި، އަވިއައިނުތަކާއި، ރިހި ފަށަކާއި ރިހި އަނގޮޓިއެއް ފެނިފައިވާކަމަށް ފުލުހުން ބުނެފައިވެއެވެ.
މި މައްސަލައިގައި ހައްޔަރުކުރެވުނު ދެ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން، އަލީ ހައިސަލް 4 ދުވަހަށް އަދި މުހައްމަދު ޟަމީރު 15 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %