މިރޭ ހަނދު ކޭތަ ހިފާއިރު ގަޑިއިރަކަށް ވުރެ ގިނައިރު ފެންނަން ހުންނާނެ
Read Time:1 Minute, 46 Second
މިރޭ ހިފާ ހަނދު ކޭތަ ގަޑިއިރަކަށް ވުރެ ގިނައިރު ވަން ދެން ފުރިހަމައަށް ހިފާފައި ހުއްޓާ ފެންނަން ހުންނާނެ ކަމަށް މޫސުމާ ބެހޭ ގައުމީ އިދާރާއިން ބުނެފިއެވެ.
މިރޭ ހަނދު ކޭތަ ހިފަން ފަށާނީ ރާއްޖެ ގަޑިން 20:28 ގައެވެ. އަދި ކޭތަ ހިފާ މަންޒަރު ފެންނަން ފަށާނީ 21:30 ހާއިރުއެވެ. ރާއްޖެއަށް މިފަހަރު ހިފާ ހަނދު ކޭތަ ފުރިހަމައަށް ހިފާފައި ހުއްޓާ ފެންނަން ފަށާނީ މިރޭ 22:30 ގައެވެ. އަދި އެހާއިރުން ފެށިގެން 23:52 އާ ހަމައަށް ފުރިހަމަ ކޭތައެއް ފެންނަން ހުންނާނެއެވެ.
ކޭތަ އެއްކޮށް ވީއްލާ ގަޑިއަކީ މިރޭ ރާއްޖެ ގަޑިން 1:55 ކަމަށް މެޓް އޮފީހުން ބުނެފައިވެއެވެ.
މިރޭ ހަނދު ކޭތަ ހިފާއިރު މިރޭ މިރޭ މުޅި ރާއްޖެއަށް ވެސް މޫސުން ރީތިވެފައި އުޑުމަތި ސާފު ވާނެ ކަމަށް މެޓް އޮފީހުން ބުނެފައިވެއެވެ. އެހެން ކަމުން މިރޭގެ ކޭތަ ރީއްޗަށް ފެންނަން ހުންނާނެއެވެ.
ދެން ރާއްޖެއަށް ފުރިހަމަ ހަނދުކޭތައެއް ފެންނާނީ 2028 ވަނަ އަހަރުގެ ޑިސެމްބަރު މަހުގެ 31 ވަނަ ދުވަހުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %