”ތިޖާރާ ރަށު ފަތުރު“ – ރަށު ފަތުރުވެރިކަން ކުރިއަރުވަން އެސްޑީއެފްސީގެ ހާއްސަ ލޯނެއް
Read Time:2 Minute, 4 Second
އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) އިން ރަށު ފަތުރުވެރިކަން ކުރިއަރުވަން ހާއްސަ ލޯން ސްކީމެއް ތައާރަފުކޮށްފިއެވެ.
އެސްޑީއެފްސީން ބުނީ، މިއީ ފަތުރުވެރިކަމުގައި ހަރަކާތްތެރިވާ ކުދި ފަންތީގެ ވިޔަފާރިތަކަށާއި މެދު ފަންތީގެ ވިޔަފާރިތަކަށް އެހީތެރިކަން ދިނުމަށްޓަކައި އިސްލާމީ ޝަރީއާތާ އެއްގޮތްވާ އުސޫލުން ދޫކުރާ ލޯނެއް ކަމަށެވެ.
މި ސްކީމްގެ ދަށުން ގެސްޓްހައުސް އިމާރާތްކުރުމަށާއި، ގެސްޓްހައުސް މަރާމާތުކޮށް ނުވަތަ އިމާރާތް އިތުރަށް ކުރިއެރުވުމަށާއި ގެސްޓްހައުސްގައި ރެސްޓޯރަންޓް، ކެފޭ ނުވަތަ ވޯޓަރ ސްޕޯޓްސް ފަދަ ފަތުރުވެރި ހަރަކާތްތައް ފެށުމަށާއި ޓެކްނޮލޮޖީގެ އެހީގައި ވިޔަފާރިކުރިއެރުވުމަށް ވެސް ލޯން ލިބޭނެއެވެ.
މި ލޯން ސްކީމްގެ ދަށުން 5،000،000 މިލިޔަން ރުފިޔާއާ ހަމައަށް ފައިސާ ދޫކުރާނެއެވެ. ލޯނު ދެއްކުމުގެ މުއްދަތަކީ 18 މަސް ދުވަހުގެ ގްރޭސް މުއްދަތަކަށްފަހު ގިނަވެގެން 10 އަހަރު ދުވަހުގެ މުއްދަތެކެވެ. 700،000 ރުފިޔާއަށް ވުރެ ބޮޑު ލޯނެއް ނަގާ ނަމަ ރަހުނެއް ދައްކަން ޖެހޭނެ ކަމަށް އެކޯޕަރޭޝަނުން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %