މޭވާ އާއި ތަރުކާރީގެ ބާވަތްތައް އެސްޓީއޯއިން އެތެރެކުރަން ނިންމައިފި
Read Time:2 Minute, 58 Second
ރާއްޖެއަށް އެންމެ ގިނައިން އެތުރުކުރާ މޭވާ އާއި ތަރުކާރީގެ ބާވަތްތައް އެސްޓީއޯއިން އެތެރެކުރަން ނިންމައިފި އެވެ.
މިނިންމުމަކީ ރައީސް ޑރ. މުހައްމަދު މުއިއްޒުގެ ދިވެހިރާއްޖޭގައި ފުޑް ސެކިޔުރިޓީ ގާއިމުކުރުމަށް އެމަނިކުފާނު ކަނޑައަޅާފައިވާ ސިޔާސަތު ތަންފީޒުކުރުމަށް، ކެބިނެޓުން މިއަދު ނިންމި ނިންމުމެކެވެ.
މި ނިންމުމާއި ގުޅިގެން ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ ރާއްޖެއަށް އެންމެ ގިނައިން އެތެރެކުރާ 10 ބާވަތުގެމޭވާ އާއި 10 ބާވަތުގެ ތަރުކާރީ އަދި މުގު، ބިސް، އަލުއި އެސްޓީއޯއިން ގަނޑުކޮށް އެތެރެކޮށް ރާއްޖޭގެ ބާޒާރުގައި ވިއްކަން ފެށުމަށް ނިންމަވާފައިވާ ކަމަށެވެ.
”ދިވެހިރާއްޖޭގައި ފުޑް ސެކިޔުރިޓީ ޤާއިމުކުރުމަށް މެނިފެސްޓޯގައި އަޅުގަނޑު ކަނޑައަޅާފައިވާ ސިޔާސަތު ތަންފީޒުކުރުމަށް ކުރެވޭ ކަންކަމުގެ ތެރެއިން ރާއްޖޭގައި ޒަމާނުންސުރެ ކަނޑައަޅާފައިވާ ކާޑުގެ ބާވަތްތައްކަމުގައިވާ ހަނޑޫ،ހަކުރު،ފުށުގެ އިތުރުން، ރާއްޖެއަށް އެންމެ ގިނައިން އެތެރެކުރާ 10 ބާވަތުގެމޭވާ އާއި 10 ބާވަތުގެ ތަރުކާރީ އަދި މުގު، ބިސް، އަލުއި އެސްޓީއޯއިން ގަނޑުކޮށް އެތެރެކޮށް ރާއްޖޭގެ ބާޒާރުގައި ވިއްކަން ފެށުމަށް ކެބިނެޓުގެ މަޝްވަރާއާއެކު މިއަދު ނިންމާފައިވާ ވާހަކަ ދަންނަވަން.“ ރައީސް ވިދާޅުވިއެވެ.
އެސްޓީއޯއިން މޭވާ އަދި ތަރުކާރީގެ ބާވަތްތައް އެތެރެކުރަން ނިންމާފައި މިވަނީ ރާއްޖޭގައި ކާބޯތަކެތީގެ އަގުތައް އުފުލެމުން އަންނަ ދަނޑިވަޅެއްގައެވެ. އެސްޓީއޯއިން އަބަދުވެސް ބާޒާރުގައި އަގު އުފުލޭ ތަކެތީގެ އަގުތައް ކޮންޓްރޯލް ކުރުމަށް އެތަކެތި ރާއްޖެއަށް އިމްޕޯޓް ކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %