އިނގިރޭސިވިލާތާއި ޕޯޗުގަލް އިން ފަލަސްތީންގެ ދައުލަތް ބަލައިގަންނަން ނިންމައިފި
Read Time:2 Minute, 54 Second
އިނގިރޭސިވިލާތާއެކު ފަލަސްތީން ސްޓޭޓެއްގެ ގޮތުގައި ރަސްމީކޮށް ބަލައިގަންނަން ޕޯޗުގަލް ވެސް އާދީއްތަ ދުވަހު އިއުލާންކޮށްފިއެވެ.
މި ދެ ގައުމުން މިގޮތަށް ނިންމާފައި މިވަނީ، ޣައްޒާގައި އިސްރާއީލުން ހިނގާ ހަނގުރާމައަކީ ނަސްލު ނައްތާލުމުގެ ހަނގުރާމައެއް ކަމަށް އ.ދ އިން ކަނޑައަޅާފައި ވަނިކޮށެވެ.
ފްރާންސް، ލަކްޒަމްބާގް، ބެލްޖިއަމް، މޯލްޓާ، އަދި އެހެނިހެން ބައެއް ގައުމުތަކުން ވެސް ކުރިއަށް އޮތް އދ. ކޮންފަރެންސްގައި ފަލަސްތީންގެ ދައުލަތް ބަލައިގަންނަން ނިންމާފައިވާ ކަމަށް ވަނީ އިއުލާން ކޮށްފައެވެ.
މިހާތަނަށް ގާތްގަނޑަކަށް 147 ގައުމަކުން— (އދ. ގެ ހަތަރުބައިކުޅަ ތިންބައި ގައުމުތައް) ފަލަސްތީނުގެ ދައުލަތް ބަލައިގަނެއެވެ. ފަލަސްތީނުގެ ރައީސް މަހްމޫދު އައްބާސް އަށް އެމެރިކާއިން ވިސާ ނުދިނުމުން އ.ދ ގެ އާންމު ބައްދަލުވުމުގައި އޮންލައިން ކޮށް ބައިވެރިވެ ވާހަކަ ދެއްކެވުމުގެ ހުއްދަ ދޭން ނެގި ވޯޓުތަކުތެރެއިން އެއްބަސްވެފައިވައި 145 ގައުމުގައި ޕޯޗުގަލްވެސް ހިމެނެއެވެ.
އެމެރިކާއާއި އިސްރާއީލުން ވަނީ މި ނިންމުންތަކަށް ފާޑުކިޔައި، މި ފިޔަވަޅުތަކަކީ ގެއްލުންހުރި ފިޔަވަޅުތަކެއްކަމަށް ބުނެފައެވެ. އަދި މިއީ ހަމާސްއަށް ލިބޭ ބާރެއް ކަމަށް އެދެގައުމުން ބުނެފައިވެއެވެ.
އެމެރިކާގެ ޚާރިޖީ ވަޒީރު މާކޯ ރޫބިއޯ ފްރާންސްގެ ނިންމުމަކީ ”ފަރުވާކުޑަ ނިންމުމެއް“ ކަމަށް ސިފަކުރިއިރު، އިސްރާއީލުގެ އޮފިޝަލުން ވަނީ ފަލަސްތީނުގެ ދައުލަތް ބަލައިގަތުމަށް ރައްދު ދިނުމުގެ ގޮތުން ހިފާފައިވާ ބިންތަކުގައި އައު އިމާރާތްތައް އަޅާނެ ކަމުގެ އިންޒާރު ދީފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %