ނޮވެންބަރު 11 އިން ފެށިގެން ބީއެމްއެލްގެ ޑެބިޓް ކާޑުތަކުގެ ޑޮލަރު ލިމިޓު ބޮޑުކުރަނީ
Read Time:2 Minute, 25 Second
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު މިހާރު މ. އަތޮޅަށް ކުރައްވަމުން ގެންދަވާ ދަތުރުފުޅުގައި، ބީއެމްއެލް ޑެބިޓް ކާޑު ލިމިޓުތަކަށް ބޮޑެތި ބަދަލުތަކެއް ގެންނަވަން ރާވާފައިވާ ކަމަށް އިޢުލާން ކުރައްވައިފައެވެ.
މ. މުލީގެ ރައްޔިތުންނާ ވާހަކަދައްކަވަމުން ރައީސް ވިދާޅުވީ ބީއެމްއެލްގެ އަހަރީ ދުވަސް ކަމަށްވާ ނޮވެމްބަރު 11 އިން ފެށިގެން ރާއްޖެއިން ބޭރުގައި ޕީއޯއެސް ޓާމިނަލްތަކުގައި ޑެބިޓް ކާޑުން ދެއްކޭ އަދަދު، 1،000 ޑޮލަރަށް ބޮޑުކުރާނެ ކަމަށެވެ. އަދި ހަމަ އެދުވަހުން ފެށިގެން ރާއްޖެއިން ބޭރުގައި ޓިކެޓާއި ހޮޓަލްތަކަށް ޑެބިޓް ކާޑުން ފައިސާ ދެއްކުމަށް އިން ލިމިޓް 3،000 ޑޮލަރަށް އިތުރުކުރާނެ ކަމަށެވެ.
މީގެ އިތުރުން ބޭސްފަރުވާ އަށް ބޭރަށް ދާ ފަރާތްތަކަށް ބޭރުގެ ހޮސްޕިޓަލްތަކުގައި ފައިސާ ދެއްކުމަށް ވެސް ޑެބިޓް ކާޑު ބޭނުން ކުރެވޭނެ ކަމަށް ރައީސް ވިދާޅުވި އެވެ.
އަދި ރާއްޖޭގައި ފުރަތަމަ ފަހަރަށް ޗައިނީސް ޔުއާން އެކައުންޓްތައް ބީއެމްއެލް އިން ތައާރަފް ކުރުން ވެސް ރައީސް ވަނީ ފާހަގަކުރައްވާފައެވެ. މިކަމުގެ ސަބަބުން ދިވެހި ވިޔަފާރިވެރިންނަށް ފައިދާ ކުރާނެ ކަމަށް ރައީސް ވިދާޅުވިއެވެ.
މިއަހަރުގެ ކުރީކޮޅު ޖޫން މަހުގެ 30 ވަނަ ދުވަހު ޑެބިޓް ކާޑު ބޭނުންކުރުމުގެ ލިމިޓް 250 ޑޮލަރުން 500 ޑޮލަރަށް ވަނީ ބޮޑުކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %