ފޮޓޯ: ޕީއެސްއެމް
މޯލްޑިވްސް ގޭސްގެ ކުރީގެ އެމްޑީ ޢަބްދުﷲ މައުމޫން 12 އަހަރަށް ޖަލަށް ލާން ހުކުމްކޮށްފި
Read Time:2 Minute, 15 Second
ރައީސް ޔާމީންގެ ވެރިކަމުގައި މޯލްޑިވްސް ގޭސްގެ އެމްޑީ އަކަށް ހުންނެވި ޢަބްދުﷲ މައުމޫން 12 އަހަރަށް ޖަލަށް ލާން ހުކުމްކޮށްފިއެވެ.
މައުމޫންގެ މައްޗަށް އުފުލާފައިވާ ދައުވާ އަކީ 2016 ވަނަ އަހަރު މޯލްޑިވް ގޭސްގެ މެނޭޖިން ޑިރެކްޓަރަކަށް އޭނާ ހުންނެވިއިރު އެ ކުންފުންޏަށް ބައެއް ތަކެތި ގަތުމަށް ހަވާލުކުރި ކުންފުންޏެއްގެ އަތުން ރިޝްވަތުގެ ގޮތުގައި ފައިސާ ނެގިކަމުގައެވެ. އަދި އެ މައްސަލައިގައި ރިޝްވަތު ގަބޫލުކުރުމުގެ ޖުމުލަ ހަތް ދައުވާއެއް އުފުލައިފައިވާކަން ޕީޖީ އޮފީހުން ވަނީ ހާމަކޮށްފައެވެ.
އެ މައްސަލައިގައި މިއަދު ކްރިމިނަލް ކޯޓުން ކުރި ހުކުމުގައި ވަނީ، ހަތް ދައުވާގެ ތެރެއިން ދެ ދައުވާ އޭނާގެ މައްޗަށް ސާބިތުވާ ކަމަށެވެ. އަދި ކޯޓުން ވަނީ އޭނާއަށް 12 އަހަރާއި ނުވަ މަހާއި 18 ދުވަހުގެ ޖަލު ހުކުމެއް އިއްވާފައެވެ. ބާކީ ފަސް ދައުވާގެ ހުކުމް ކުރުން އޮތްއިރު، ކޮންމެ ދައުވާއެއްގެ އަސާސީ އަދަބަކީ ތިން އަހަރާއި ދެ މަހާއި 12 ދުވަހުގެ ޖަލު ހުކުމެކެވެ.
ޢަބްދުﷲ މައުމޫން މޯލްޑިވްސް ގޭސްގެ އެމްޑީ އަކަށް ހުންނެވިއިރު ވަނީ ރިޝްވަތުގެ ގޮތުގައި އެ ކުންފުނިން ޖުމްލަ 3,106,189.38 ނަގާފައިވާ ކަން ތަހުގީގަށް އެނގިފައިވާ ކަމަށް ޕީޖީ އޮފީހުން ވަނީ ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %