ޣައްޒާގައި ވެއްޓިފައިވާ އިމާރާތްތަކުގެ ދަށުން 135 މީހެއްގެ ހަށިގަނޑު ފެނިއްޖެ
Read Time:3 Minute, 18 Second
އިސްރާއީލާއި ޙަމާސްއާ ދެމެދު ހަމަލާ ހުއްޓާލުމަށްފަހު، ޣައްޒާގެ ރައްޔިތުންގެ ތެރެއިން އެތައް ބަޔަކު ވަނީ އެމީހުންގެ ޢާއިލާގެ މެމްބަރުންނާއި ގެއްލިފައިވާ މީހުން ހޯދުމުގެ މަސައްކަތް ފަށާފައެވެ.
އެގޮތުން ޣައްޒާ ސިޓީއާއި އެނޫންވެސް އެކި ސަރަހައްދުތަކުގައި ހަލާކުވެފައިވާ އިމާރާތްތަކުގެ ދަށުން 135 މީހެއްގެ ހަށިގަނޑު މިހާތަނަށް ފެނިފައިވާ ކަމަށް ރިޕޯޓްތަކުން ބުނެއެވެ.
ސަލާމަތީ މަސައްކަތް ކުރާ ފަރާތްތަކުން ވަނީ ޣައްޒާގެ އެކި ހިސާބުތަކުން، ޚާއްސަކޮށް ހޮސްޕިޓަލްތަކުގެ ކައިރިންނާއި، ހަލާކުވެފައިވާ ގެތަކުގެ ދަށުން މީހުންގެ ހަށިގަނޑު ނަގާފައެވެ. ގެއްލިފައިވާ މީހުން ހޯދުމުގެ މަސައްކަތްތައް އަދިވެސް ދަނީ ކުރިއަށެވެ.
ޣައްޒާގެ އެކި ސަރަހައްދުތަކަށް އެނބުރި އަންނަ ޢާއިލާތައް އަންނަން ޖެހެނީ ހަލާކުވެ ބިމާ ހަމަވެފައިވާ އިމާރާތް ތަކަކަށެވެ. ޣައްޒާގެ ގިނަ ސަރަހައްދުތަކުގައި އަދިވެސް ކަރަންޓުގެ ޚިދުމަތް އަދި ސާފު ބޯފެނުގެ ޚިދުމަތް ނެތެވެ. އަދި ގިނަ ގެތަކަށް ބޮޑެތި ގެއްލުންތަކެއް ލިބި، އެތައް ބަޔަކު ވަނީ ގެދޮރު ނެތިފައެވެ.
މިހުރިހާ ކަމެއްގެ ތެރެއިންވެސް ފަލަސްޠީނުގެ ރައްޔިތުންގެ ހިތްވަރު ވަރަށްގަދަ ކަމަށް ފާހަގަކުރެވެއެވެ. އެމީހުން ބުނަނީ ދުވަހަކުވެސް ބަލިނުވާނެ ކަމަށާއި، އެމީހުން ބޭނުންވަނީ އެމީހުންގެ ދިރިއުޅުން އަލުން ބިނާކޮށް، އެމީހުންގެ ބިމުގައި އަލުން ދިރިއުޅުން ކަމަށެވެ.
އެމީހުންގެ ގެތަކަށް އެނބުރި އައުމަކީ އެމީހުންނަށް ލިބުނު ބޮޑު ހިތްވަރެކެވެ. ކަޑަތައްފަދަ ތަންތަނުގައި ދިރިއުޅެން ޖެހުނަސް، އެމީހުންގެ ބިމުގައި ދިރިއުޅުމުގެ އުންމީދާއި ހިތްވަރު އެމީހުންނަށް ލިބިފައިވާ ކަމަށް ބުނެއެވެ. އެތައް ގެއްލުންތަކެއް ލިބުނު ފަހުންވެސް، އަމިއްލަ ވަޠަނަށް އެނބުރި އައުމަކީ އެމީހުންނަށް ލިބުނު ބޮޑު ހިތްވަރެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %