ފޮޓޯ: ޕޮލިސް
ބަންޑުން ޖަހާލި ކޮޅުވެއްޓިން 3 މީހަކު ގެއްލުން، ދެ މީހެއްގެ ހަށިގަނޑު ފެނިއްޖެ
Read Time:1 Minute, 51 Second
މާލެއަތޮޅު އެރިއަދޫއަށް ދަތުރުކުރަމުންދަނިކޮށް ބަނޑުންޖަހާލި ކޮޅުވެއްޓިން ގެއްލުނު ތިން މީހުންގެ ތެރެއިން ދެ މީހެއްގެ ހަށިގަނޑު ފެނިއްޖެއެވެ.
ބަންޑުންޖަހާލި ކޮޅުވެއްޓީގައި ޖުމްލަ 7 މީހުން ދަތުރުކުރިއިރު، ގެއްލުނީ 3 މީހުންނެވެ.
ކޯސްޓްގާޑުގެ ޑައިވަރުންގެ ޓީމުން މީހުން ހޯދުމުގެ މަސައްކަތް ކުރަމުންދަނިކޮށް މިއަދު ހެނދުނު ވަނީ އެކަކުގެ ހަށިގަނޑު ފެނިފައެވެ. ހެނދުނު ފެނުނީ އުމުރުން 38 އަހަރުގެ، ގއ.ދާންދުއަށް ނިސްބަތް އަޙުމަދު ޝިފާންގެ ހަށިގަނޑުކަމަށް ފުލުހުން މައުލޫމާތުދީފައިވެއެވެ.
އަދި މީހުން ހޯދުމުގެ މަސައްކަތުގައި މިއަދު 15:45 ހާއިރު، ގެއްލުނު މީހުންގެ ތެރެއިން، އިތުރު މީހެއްގެ ހަށިގަނޑު ފެނިފައިވާ ކަމަށް އެމްއެންޑީއެފް އިން ބުނެފައިވެއެވެ. ދެވަނަ މީހާގެ ހަށިގަނޑު ވެސް ފެނުނީ ކަނޑުއަޑިން ކަމަށާއި އެއީ ބިދޭސީއެއްކަމަށްވެސް އެމްއެންޑީއެފުން ބުނެފައިވެއެވެ.
އެމްއެންޑީއެފް އިން އަދިވެސް އަންނަނީ ތިންވަނަ މީހާ ހޯދުމުގެ މަސައްކަތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %