ސްކޫލް ކުދިންނަށް ބުލީކުރާ 22 ޕޭޖެއް ފުލުހުން ހިފަހައްޓައިފި
Read Time:2 Minute, 20 Second
ސްކޫލު ކުދިންގެ ކޮންފެޝަން ޕޭޖްތަކެއްގައި ބުލީ ކުރާ މައްސަލައިގައި ފުލުހުންގެ ބެލުމުގެ ދަށަށް 22 ޕޭޖެއް ގެންގޮސްފިއެވެ.
މި ޕޭޖްތަކުގައި ވަނީ ދަރިވަރުންނާއި ޓީޗަރުންނަށް ފުރައްސާރަކޮށް ލިޔުންތައް ފަތުރާ، ނަފުސާނީ ގޮތުން އަނިޔާ ލިބޭ ފަދަ ލިޔުންތައް ވެސް ޝާއިއުކޮށްފައެވެ. އަދި މިފަދަ ސައިބަރ ބުލީންގ މައްސަލަތައް އިތުރުވަމުން ދާތީ އެކަން ހުއްޓުވުމަށް ފުލުހުންގެ ސައިބަރ ކްރައިމް ސެންޓަރުގެ ފަރާތުން ވަނީ މަސައްކަތް ފަށާފައެވެ.
ފުލުހުން މިފަދަ 22 ޕޭޖެއް ހިފަހައްޓާފައި ވާއިރު، އިތުރު 20 ޕޭޖެއް ތަހުގީގު ކުރަމުން އަންނަ ކަމަށްވެސް ބުނެފައިވެއެވެ. ފުލުހުން ބުނީ އެގޮތަށް ހިންގާ ގިނަ ޕޭޖުތައް ހިންގަނީ ވެސް ސްކޫލްތަކުގައި ކިޔަވާ ދަރިވަރުން ކަމަށެވެ. އަދި ޕޭޖުތައް ހިންގާ ދަރިވަރުން މި ޕޭޖުތައް ހިންގަނީ އެމީހުންގެ މައުލޫމާތު ނޭނގޭ ގޮތަށް ސިއްރު ކޮށްގެން ކަމަށް ވެސް ފުލުހުން ބުންޏެވެ.
ފެމިލީ އެންޑް ޗައިލްޑް ޕްރޮޓެކްޝަން (އެފްސީޕީ) އާއި ފުލުހުންގެ ސައިބަރ ކްރައިމް ސެންޓަރު ގުޅިގެން ދަނީ އިތުރަށް މި މައްސަލަ ތަހުގީގު ކުރަމުންނެވެ. އަދި މިކަމުގައި ޕޭޖްތައް ހިންގައި ކުދިންގެ މައްސަލަ ބަލައި ގާނޫނީ ފިޔަވަޅު އަޅާނެ ކަމަށް ވެސް ފުލުހުން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %