ކަނޑުމަތީގެ ގިނަ ހާދިސާތަކެއް! މޫސުމަށް ސަމާލުވާން އެދިއްޖެ!
Read Time:3 Minute, 5 Second
ވޭތުވެދިޔަ 24 ގަޑިއިރު ތެރޭގައި ކަނޑުމަތީގެ ގިނަ ހާދިސާތަކެއް ހިނގައި، އެމްއެންޑީއެފް އަށް ވަނީ ރިޕޯޓްކުރެވިފައެވެ.
އިއްޔެ މެންދުރުން ފެށިގެން ރިޕޯޓް ކުރެވުނު ހާދިސާތަކުގެ ތެރޭގައި، ޑިންގީއެއްގައި ދަތުރުކުރި 79 އަހަރުގެ މީހަކު ގެއްލިގެން ހޯދާއިރު، ކެނޫ އެއްގައި ދިޔަ މީހަކުވެސް ވަނީ ގެއްލިފައެވެ. އަދި އިއްޔެ މެންދުރު އިރުވެލި ދޯނި ނަމަކަށް ކިޔާ ދޯންޏެއް ދިޔަވެ އަޑިއަށް ދިޔައިރު، އޯޝަނިކް އެކްސްޕްރެސް ނަމަކަށް ކިޔާ ބޯޓެއް ވަނީ ރޭ އަޑިއަށް ގޮސްފައެވެ. މި ދެ ބޯޓުން ދަތުރުކުރި އެންމެން ވެސް ކޯސްޓް ގާޑުން ވަނީ ސަލާމަތްކޮށްފައެވެ.
މީގެ އިތުރުން ހަތަރު މީހުންނާ އެކު ދަތުރުކުރަމުންދިޔަ އުޅަނދެއްގެ އިންޖީނު ހުއްޓުމާއި، 22 ގެސްޓުންނާއި 15 ފަޅުވެރިންނާ އެކު ބ.އަތޮޅު ދަރަވަންދޫ ކައިރިން ދަތުރުކުރަމުން ދިޔަ ސަފާރީއެއް ދިޔަވުމުގެ ހާދިސާއާއި، ހަތަރު މީހުންނާ އެކު މާލެ އަތޮޅު ގިރިފިނޮޅު ކައިރިން ލޯންޗެއް ފަރަކަށް އެރުމާއި، މ.އަތޮޅުން ހަތް މީހުންނާ އެކު މަހަށް ފުރި ދޯންޏެއް ގެއްލުމުގެ ހާދިސާއެއް ވަނީ ރިޕޯޓް ކުރެވިފައެވެ.
މިހާދިސާ ތަކާއި ގުޅިގެން އެމްއެންޑީއެފް އިން ވަނީ ކަނޑު ދަތުރުފަތުރުކުރާ ފަރާތްތަކުން މޫސުމަށް ސަމާލުކަން ދިނުމަށް އިލްތިމާސްކޮށްފައެވެ. އަދި ކޮންމެހެން ކުރަންޖެހޭ ދަތުރުތައް ފިޔަވައި އެހެން ދަތުރުތައް ނުކުރުމަށާއި، ކޮންމެހެން ދަތުރުކުރަންޖެހޭ ފަރާތްތަކުން ވެސް، ދަތުރުކުރައްވާއިރު މޫސުމަށްސަމާލުކަން ދިނުމަށް އެމްއެންޑީއެފް ކޯސްޓްގާޑުން އިލްތިމާސްކުރެއެވެ.
މީގެ އިތުރުން ދިވެހި ފުލުހުންގެ ހިދުމަތުން ވަނީ މޫސުން ރަނގަޅުވަންދެން މޫދު ކުޅިވަރުގެ ހަރަކާތްތައް މަޑުޖައްސާލުމަށް އެދިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %