އަނބިމީހާ ނުވަތަ ފިރިމީހާއަށް ގޯތި ލިބިފައި އޮތަސް ފްލެޓް ލިބޭގޮތަށް އަލުން ނިންމައިފި
Read Time:2 Minute, 24 Second
ބިންވެރިޔާ ސްކީމުގެ ސްކީމުގެ ދަށުން އަނބިމީހާ ނުވަތަ ފިރިމީހާއަށް ގޯއްޗެއް ލިބިފައިވާ ނަމަ، ފްލެޓް ލިބޭނީ އެ ގޯތި ދޫކޮށްލުމުން ކަމަށް ނިންމި ނިންމުން ބަދަލުކޮށްފިއެވެ.
މިދިޔަ މެއި މަހުގެ 29 ވަނަ ދުވަހު ހައުސިންގ މިނިސްޓްރީން ކުރި އިއުލާނެއްގައި ބުނެފައިވަނީ ބިންވެރިޔާ ސްކީމުން އެމީހެއްގެ އަނބިމީހާ ނުވަތަ ފިރިމީހާއަށް ގޯއްޗެއް ލިބިފައިވާ ފަރާތްތަކުގެ ތެރެއިން ގެދޮރުވެރިޔާ ސްކީމުން ފުލެޓު ލިބޭނީ، ބިންވެރިޔާ ސްކީމުން އެމީހެއްގެ އަނބިމީހާ ނުވަތަ ފިރިމީހާއަށް ލިބިފައިވާ ގޯތި ދޫކޮށްލަން އެއްބަސްވާ ފަރާތްތަކަށް ކަމަށެވެ.
މިނިސްޓްރީން ބުނީ އެ ނިންމުން ބަދަލުކޮށްފައި މިވަނީ އެ ނިންމުމާ ގުޅިގެން އާންމުންގެ ކަންބޮޑުވުން ހުރިކަން ފާހަގަކުރެވިފައިވާތީ ކަމަށެވެ. އަދި ރައްޔިތުންގެ ފަރާތުން ވަރަށް ގިނަ ޝަކުވާ ސަރުކާރަށް ލިބިފައިވާ ކަމަށެވެ.
މީގެ އިތުރުން މިނިސްޓްރީން ބުނީ އެގޮތަށް އަމަލު ނުކުރަން ނިންމީ ބިންވެރިޔާ ސްކީމްގެ ދަށުން ބިން ލިބިފައިވާ ފަރާތްތަކަށް ބިންތަކުގައި އިމާރާތްކޮށް ދިރިއުޅެން ފެށުމަށް ވަގުތު ނަގާނެތީ ކަމަށެވެ.
ގެދޮރުވެރިޔާ ސްކީމްގެ ދަށުން ދޫކުރާ 4،000 ފްލެޓުތަކުގެ އެއްބަސްވުންތަކުގައި ސޮއިކުރަން އަންނަ ހޯމަ ދުވަހު ފަށާނެ ކަމަށް ފަހި ދިރުއުޅުން ކޯޕަރޭޝަން ވަނީ ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %