ރައީސްގެ ދައުވަތަކަށް އިންޑިއާގެ ބޮޑުވަޒީރު މޯދީ ރާއްޖެ ވަޑައިގަންނަވަނީ
Read Time:2 Minute, 30 Second
ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ދައުވަތަކަށް އިންޑިއާގެ ބޮޑުވަޒީރު ނަރެންދުރަ މޯދީ އަންނަ ހުކުރު ރާއްޖެ ވަޑައިގަންނަވާނެ ކަމަށް ރައީސް އޮފީހުން މިއަދު އިއުލާން ކޮށްފިއެވެ.
ރައީސް އޮފީހުން ކުރި އިއުލާންގައި ބުނެފައިވަނީ އިންޑިއާގެ ބޮޑުވަޒީރު ނަރެންދުރަ މޯދީ، ދިވެހިރާއްޖެއަށް ވަޑައިގަންނަވާނީ މިހިނގާ ޖުލައި މަހުގެ 25 އިން 26 އަށް ކަމަށެވެ. މިއީ ބޮޑުވަޒީރު މޯދީ، އިންޑިއާގެ ބޮޑުވަޒީރުކަމުގެ މަގާމާ ތިންވަނަ ދައުރަކަށް ހަވާލުވެވަޑައިގަތުމަށްފަހު، ދިވެހިރާއްޖެއަށް ކުރައްވާ ފުރަތަމަ ދަތުރުފުޅެވެ.
މި ދަތުރުފުޅުގައި ރައީސް މުއިއްޒު އާއި ބޮޑުވަޒީރު މޯދީ ބައްދަލުކުރައްވައި މަތީފަންތީގެ މަޝްވަރާތައް ކުރިއަށް ގެންދަވާނެ ކަމަށް އިއުލާންގައި ބުނެފައިވެއެވެ. އަދި ދެ ގައުމުގެ މުހިންމު މައްސަލަތަކާއި ސަރަހައްދީ މައްސަލަތަކާ ގުޅޭގޮތުން މަޝްވަރާކުރައްވައި، އިންޑިއާ އާއި ރާއްޖެއާއި ގުޅިގެން ކުރިއަށްގެންދިޔަ ބައެއް މަޝްރޫއުތައް އިފްތިތާހްކޮށްދެއްވުމަށްވެސް ހަމަޖެހިފައިވާ ކަމަށް ބުނެފައިވެއެވެ.
އިންޑިއާގެ ބޮޑުވަޒީރު މޯދީ ރާއްޖެ ވަޑައިގަތުމަށް ހަމަޖެހިފައިމިވަނީ ރާއްޖޭގެ މިނިވަންކަމަށް 60 އަހަރު ފުރުމާއި، ދިވެހިރާއްޖެއާއި އިންޑިއާއާ ދެމެދު އޮތް ހާރިޖީ ގުޅުމަށް 60 އަހަރު ފުރޭ މުހިންމު ތާރީހީ މުނާސަބަތާ ދިމާކޮށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %