ބަނޑުހައިހޫނުކަމުގެ ސަބަބުން ޣައްޒާގެ ހާލަތު އިތުރަށް ގޯސްވަނީ
Read Time:2 Minute, 40 Second
އިސްރާއީލުގެ ބްލޮކޭޑް ހަރުކަށިވެ، އިންސާނީ ހާލަތު ގޯސްވަމުންދާ ހާލަތެއްގައި ޣައްޒާގައި ގިނަ އަދަދެއްގެ ކުޑަކުދިން ބަނޑުހައިހޫނުކަމުގެ ސަބަބުން ޝަހީދުވެއްޖެއެވެ. މީގެ އިތުރުން މިއަދު އިސްރާއީލުގެ ހަމަލާތަކުގައި މުޅި ޣާއްޒާ ސްޓްރިޕްގައި މަދުވެގެން 35 ފަލަސްތީންގެ މީހުން ޝަހީދުކޮށްލާފައި ވާއިރު، އޭގެ ތެރޭގައި އެހީ ހޯދަން އުޅުނު 8 މީހުން ހިމެނެއެވެ.
ޞިއްޙީ ޚިދުމަތްދޭ ތަންތަން ފުރިފައިވާ ކަމަށް ޢާއްޒާގެ ހެލްތު މިނިސްޓްރީން ރިޕޯޓްކުރެއެވެ. ޑޮކްޓަރުން ބުނާ ގޮތުގައި އެމީހުން ވަނީ ކާއެއްޗެހި ނުލިބި 24 ގަޑިއިރުގެ ޝިފްޓްތަކުގައި މަސައްކަތް ކުރަން ޖެހިފައެވެ. އަދި މުޅި ޣައްޒާގައި ތިބި ކުޑަކުދިން ވަނީ ބޮޑެތި ނަފްސާނީ އަނިޔާތަކާ ކުރިމަތިލާންޖެހިފައެވެ. މާހިރުން އިންޒާރުދެމުންދަނީ މިކަމުގެ ސަބަބުން ދިގު މުއްދަތަކަށް ނަފްސާނީ ދުޅަހެޔޮކަމަށް ނޭދެވޭ އަސަރުތަކެއް ކުރާނެ ކަމަށެވެ.
އަނެއްކޮޅުން، އިސްރާއީލުން ހިފާފައިވާ ވެސްޓް ބޭންކުގައި ދިރިއުޅޭ ފަލަސްތީނުގެ އާއިލާތައް ގޭގެއިން ނެރޭ އަދަދު ވަނީ ރެކޯޑު އަދަދަކަށް އަރާފައެވެ. 2025 ގެ ފުރަތަމަ ދެބައިކުޅައެއްބައި ގައި 600 އަށްވުރެ ގިނަ އާއިލާތައް ވަނީ އެމީހުންގެ ގެތަކުން ނެރެވިފައެވެ. އަދި ޣާއްޒާއަށް އެހީ ހިފައިގެންދާ އެހީދޭ އޭޖެންސީތަކަށް ދަނީ ގިނަގުނަ ހުރަސްތަކާ ކުރިމަތިލާންޖެހިފައެވެ. މިކަމުގެ ސަބަބުން ފަލަސްތީނު އާއިލާތަކުގެ ހާލަތު ދަނީ އިތުރަށް ގޯސްވަމުންނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %