ފަލަސްތީން ބަލައިގަންނަން ފްރާންސުން ނިންމުމުން އެމެރިކާ އަދި އިސްރާއީލް ރުޅިގަދަވެއްޖެ
Read Time:3 Minute, 25 Second
ފްރާންސުން ފަލަސްތީނަކީ ގައުމެއްގެ ގޮތުގައި ރަސްމީކޮށް ބަލައިގަންނަން ނިންމާފައިވާ ކަމަށް ފްރާންސްގެ ރައީސް އިމަނުއެލް މެކްރޮން ވިދާޅުވެއްޖެވެ.
މެކްރޮން މިހެން ވިދާޅުވުމާއެކު އެމެރިކާ އަދި އިސްރާއީލުން ވަނީ މިކަމާއި ނުރުހުން ފާޅުކޮށް، ފްރާންސްގެ ރައީސް މެކްރޮން އަށް ފާޑުވިކިޔާފައެވެ.
އެގޮތުން އެމެރިކާގެ ހާރިޖީ ވަޒީރު މާކޯ ރޫބިއޯ ބުނީ މި ނިންމުމަކީ “ފަރުވާކުޑަ” ނިންމުމެއް ކަމަށާއި، މިއީ ޣައްޒާ ކޮންޓްރޯލްކުރާ ޖަމާއަތް ކަމަށްވާ ހަމާސްއަށް އެހީތެރިވެދޭ ނިންމުމެއް ކަމަށެވެ. އަދި އިސްރާއީލްގެ ބޮޑުވަޒީރު ބެންޖަމިން ނަތަންޔާހޫވަނީ މިނިންމުމަކީ ޓެރޮރިޒްމް އަށް މަގު ހުޅުވާނެ ނިންމުމެއް ކަމަށް ސިފަކޮށް، ފަލަސްތީނުގެ ދައުލަތެއް އޮވެއްޖެ ނަމަ އިސްރާއީލް ފޮހެލާނެ ކަމަށް ބުނެ އެކްސްގައި ޕޯސްޓް ކޮށްފައެވެ.
މެކްރޮން ވިދާޅުވީ އޭނާ ފަލަސްތީނުގެ ދައުލަތް ބަލައިގަތުމަށް ނިންމީ މެދުއިރުމަތީގައި އިންސާފުވެރި އަދި ދެމެހެއްޓެނިވި ސުލްހައެއް ގާއިމުކުރުމަށް ފްރާންސުން ވެފައިވާ ވައުދު ފުއްދުމަށްޓަކާއެވެ. އަދި ދެން އޮންނަ އދ. ގެ ޖެނެރަލް ބައްދަލުވުމުގައި މިކަން ރަސްމީކޮށް އިއުލާންކުރާނެ ކަމަށް އޭނާ ވިިދާޅުވިއެވެ.
މިހާތަނަށް އދ.ގައި ހިމެނޭ 193 ގައުމެއްގެ ތެރެއިން 142 ގައުމަކުން ފަލަސްތީން ބަލައިގަނެ އެވެ. ނޯވޭ، އަޔަލޭންޑް، ސްޕެއިން ފަދަ ޔޫރަޕްގެ ބައެއް ގައުމުތަކުން ވެސް ވަނީ މި މަސައްކަތް ފަށާފައެވެ. އެކަމަކު އެމެރިކާ، އިނގިރޭސިވިލާތް، ޖަރުމަނު ފަދަ ބޮޑެތި ގައުމުތަކުން އަދިވެސް ބުނަނީ ފަލަސްތީނުގެ ދައުލަތް ބަލައިގަތުމަށް ނޫނެކޭއެވެ.
ފްރާންސްގެ މި ނިންމުމާއެކު އެގައުމަކީ ފަލަސްތީން ބަލައިގަންނަ ހުޅަނގުގެ އެންމެ ބޮޑު ގައުމަކަށް ވުމުގެއިތުރުން، މިއީ އިސްރާއީލުގެ ގާތް އެކުވެރި ގައުމެއްގެ ތެރެއިން ފަލަސްތީން ބަލައިގަންނަން ނިންމި ފުރަތަމަ ގައުމަށް ވެގެން ދާނެއެވެ.
Happy
57 %
Sad
0 %
Excited
29 %
Sleepy
14 %
Angry
0 %
Surprise
0 %