މޯލްޑިވިއަންގެ ބައިނަލްއަގުވާމި ދަތުރުތައް އައު ޓާމިނަލަށް
Read Time:2 Minute, 18 Second
ގައުމީ އެއާލައިން، މޯލްޑިވިއަންގެ ބައިނަލްއަގުވާމި ދަތުރުތައް ވެލާނާ އިންޓަނޭޝަނަލް އެއަރޕޯޓް (ވީއައިއޭ) ގެ އައު ޓާމިނަލަށް ބަދަލުކޮށްފި އެވެ.
މޯލްޑިވިއަންގެ ދަތުރުތައް އައު ޓާމިނަލަށް ބަދަލުކުރިއިރު، އެ އެއާލައިން ވެގެން ދިޔައީ އެ ޓާމިނަލް ބޭނުންކުރާ ފުރަތަމަ އެއާލައިނަށެވެ. މިހާރު އެ އެއާލައިންގައި ރާއްޖޭން ބޭރަށް ދަތުުރުކުރާ ފަސިންޖަރުން ފުރަން ދާން ޖެހޭނީ އާ ޓާމިނަލަށެވެ.
މިއަދު މެންދުރު 2:00 ގައި، ކޮޗިންއިން މާލެއަށް ދަތުރުކުރި މޯލްޑިވިއަންގެ ފްލައިޓްގެ ޕަސިންޖަރުން ވަނީ ފުރަތަމަ ފަހަރަށް ޓާމިނަލުގައި ހުންނަ އެއިރޯބްރިޖުތައް ބޭނުންކޮށްފައެވެ. މިއަދު މޯލްޑިވިއަން އިން ދެން ދަތުރުކުރާނީ އިންޑިއާގެ ބެންގަލޫރު އަދި ޗައިނާގެ ސިޓީ ތަކަށެވެ.
މޯލްޑިވިއަން އެއާލައިންގެ ހުރިހާ ބައިނަލްއަގްވާމީ ދަތުރުތައް ކުރާނީ އައު ޓާމިނަލް އެކަކުންނެވެ. އެމްއޭސީއެލްއިން ބުނީ ބައިނަލްއަގްވާމީ ހުރިހާ އެއާލައިންތަކުގެ ދަތުރުތައް އާ ޓާމިނަލަށް ބަދަލުކުރެވޭނީ އަންނަ ސެޕްޓެމްބަރު މަހު ކަމަށެވެ. އަދި ހުރިހާ އެއާލައިންތައް އައު ޓާމިނަލަށް ބަދަލުކުރެވުމުން މިހާރުގެ ޓާމިނަލް ބޭނުންކުރާނީ ޑޮމެސްޓިކް ދަތުރުތަކަށް ކަމަށް އެމްއޭސީއެލްއިން ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %