ރަޝިއާގެ އިރުމަތީ ސަރަހައްދަށް ބާރުގަދަ ބިންހެލުމެއް! ގިނަ ގައުމުތަކަކަށް ސުނާމީގެ އިންޒާރު!
Read Time:2 Minute, 14 Second
ރަޝިއާގެ އިރުމަތީ ސަރަހައްދެއް ކަމަށްވާ ކަމްޗަޓްކާ ޕެނިންސުލާ ސަރަހައްދަށް 8.8 މެގްނިޓިއުޑްގެ ބާރުގަދަ ބިންހެލުމެއް އަތުވެއްޖެއެވެ.
މި ބިންހެލުން އައިސްފައިވަނީ ރަޝިޔާގެ ދުރު އިރުމަތީގައި އޮންނަ އައްސޭރިފަށުގެ ސިޓީއެއް ކަމަށްވާ ޕެޓްރޯޕަވްލޮވްސްކް-ކަމްޗަޓްސްކީގެ އިރުމަތިން 136 ކިލޯމީޓަރު (84 މޭލު) ދުރަށެވެ. އަދި ބިންހެލުމަށް ފަހު 6.9 މެގްނިޓިއުޑްގެ ބާރުގަދަ އެތައް އަފްޓާޝޮކްތަކެއް ރެކޯޑްކޮށްފައިވެ އެވެ.
ބިންހެލުމުގެ ސަބަބުން ރަޝިޔާގެ ޕެޓްރޯޕަވްލޮވްސްކް-ކަމްޗަޓްސްކީ ސިޓީގެ އިމާރާތްތަކަށް އެކިވަރުގެ ގެއްލުންތައް ލިބި، މަގުމަތީގައި ހުރި ބައެއް ކާރުތަކަށް ވެސް ވަނީ ގެއްލުންވެފައެވެ. އަދި އެ ސިޓީގެ ކަރަންޓްގެ ހިދުމަތް ކެނޑި، މޯބައިލް ފޯނުގެ ހިދުމަތް ވެސް ވަނީ ކެނޑިފަ އެވެ. މި ހާދިސާގައި މީހަކަށް އަނިޔާވި ކަމުގެ ރިޕޯޓެއް އަދި ނުލިބެއެވެ.
މި ބިންހެލުމުގެ ސަބަބުން ބޮޑު ސުނާމީއެއް އުފެދޭނެ ކަމުގެ އިންޒާރުވެސް ވަނީ ދީފައެވެ. އަދި މިސުނާމީ އެކި ގައުމަތަކަށް އަރާނެ ކަމުގެ އިންޒާރު މިހާރު ދީފައިވެއެވެ. އެގޮތުން ޗައިނާ، ޓައިވާން، ޖަޕާން، ފިލިޕިންސް، އެމެރިކާ އަދި ޕެރޫ އަށް ސުނާމީގެ އަސަރު ކުރާނެ ކަމަށް ލަފާކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %