އެމްއައިބީއަށް ދެވަނަ ކުއާޓަރގައި ވެސް ރަނގަޅު ފައިދާއެއް
Read Time:2 Minute, 22 Second
މި އަހަރުގެ ދެވަނަ ކުއާޓަރގައި މޯލްޑިވްސް އިސްލާމިކް ބޭންކް (އެމްއައިބީ) އަށް ވިޔަފާރީގެ މުހިންމު ދާއިރާތަކުން ކުރިއެރުންތައް ލިބި، ރަނގަޅު މާލީ ނަތީޖާއެއް ލިބިފައިވާ ކަމަށް އެ ބޭންކުން ބުނެފިއެވެ.
އެމްއައިބީން ބުނީ ބޭންކުގެ އެސެޓް ބޭސް އަދި ޑިޕޮސިޓް ބޭސް ފުރަތަމަ ކުއާޓަރ އާއި އަޅާބަލާއިރު އެއް ބިލިއަން ރުފިޔާ އިތުރުވެފައިވާކަމަށެވެ. އެގޮތުން ފުރަތަމަ ކުއާޓަރގައި ބޭންކްގެ އެސެޓް ވެލިއު 12.49 ބިލިއަން ރުފިޔާގައި ހުރިއިރު، ދެވަނަ ކުއާޓަރުގައި އެ އަދަދު ވަނީ 13.45 ބިލިއަން ރުފިޔާއަށް އަރާފައެވެ. އަދި މި އަހަރުގެ ފުރަތަމަ ކުއާޓަރގައި 10 ބިލިއަން ރުފިޔާގައި ހުރި ޑިޕޮސިޓް، ދެވަނަ ކުއާޓަރގައި ވަނީ 11 ބިލިއަނަށް ވުރެ އިތުރުވެފައެވެ.
ދެވަނަ ކުއާޓަރ ނިމުނުއިރު ބޭންކުން ވަނީ 6.57 ބިލިއަން ރުފިޔާގެ ފައިނޭންސް ކޮށްދީފައެވެ. އަދި ބޭންކުގެ އިންޓަނެޓް އަދި މޮބައިލް ބޭންކިން މުއާމަލާތްތަކުގެ އަދަދު 12 މިލިއަނުން 14.9 މިލިއަނަށް އިތުރުވެފައިވާއިރު، ކާޑުގެ މުއާމަލާތްތައް 1.89 މިލިއަނުން 2.29 މިލިއަނަށް ވަނީ އިތުރުވެފައެވެ.
ދެވަނަ ކުއާޓަރގެ ސާފު ފައިދާގެ ގޮތުގައި އެމްއައިބީއަށް ލިބުނީ 182.97 މިލިއަން ރުފިޔާ އެވެ. އެމްއައިބީ އަކީ މިވަގުތު ރާއްޖޭގައި ހުރި ހަމައެކަނި ފުލްފްލެޖް އިސްލާމިކް ބޭންކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %